影片
更多
2021-03-23
571 瀏覽
好耐之前黎過一次買外賣，試過外賣酸菜魚同鷄煲。今晚黎呢度試下堂食先。原來呢度晚市做打邊爐放題，有三款套餐，包既野食同限時唔同，視乎日子同入座時間都有唔同價錢。今日我地試下個入門既小寶套餐先，自選120分鐘係$248加一。主打肉類有美國SRF和牛同和牛粒，美國安格斯牛肩胛，鹿兒島夢幻豚，紐西蘭羊肉，脆鯇魚片，雞件，手打鯪魚丸，自家製甜品同涼茶。落單用QR code，除左以上肉類，前菜有胡麻醬秋葵，香醋鮮雲耳，台式鹽酥雞，鮑汁扣雞腳等等共六款。每次落單只可以叫三份，不過可能佢見我地兩個人，每次只係上左兩份俾我地。所有主打肉類當中，我地覺得和牛粒最好食，超嫩滑又爽爽地又有牛味，好似落左鬆肉粉嘅嫰牛肉。有d仲帶少少筋，更有咬口，正。和牛片嘅油花好靚，唔可以淥得太耐，否則會韌，都好嫩口同重牛味!牛肩胛相較之下較為韌。羊肉片唔羶，都算嫩口好味。豚肉脂肪較多。手打鯪魚丸較細粒但係都食得出係手打既。台式鹽酥雞居然都唔錯，新鮮熱辣，嫩滑有肉汁。鮑汁扣雞腳有d咬口，骨膠原感重。胡麻醬秋葵新鮮爽脆，加胡麻醬好食。 香醋鮮雲耳蒜香味濃，酸酸地幾開胃。自助配料吧好衞生，全部用蓋蓋住或者用盒裝好，連青菜都用保鮮紙
今日我地試下個入門既小寶套餐先，自選120分鐘係$248加一。主打肉類有美國SRF和牛同和牛粒，美國安格斯牛肩胛，鹿兒島夢幻豚，紐西蘭羊肉，脆鯇魚片，雞件，手打鯪魚丸，自家製甜品同涼茶。落單用QR code，除左以上肉類，前菜有胡麻醬秋葵，香醋鮮雲耳，台式鹽酥雞，鮑汁扣雞腳等等共六款。每次落單只可以叫三份，不過可能佢見我地兩個人，每次只係上左兩份俾我地。
所有主打肉類當中，我地覺得和牛粒最好食，超嫩滑又爽爽地又有牛味，好似落左鬆肉粉嘅嫰牛肉。有d仲帶少少筋，更有咬口，正。
美國SRF和牛粒
23 瀏覽
0 讚好
0 留言
和牛片嘅油花好靚，唔可以淥得太耐，否則會韌，都好嫩口同重牛味!
美國SRF和牛
22 瀏覽
0 讚好
0 留言
牛肩胛相較之下較為韌。
羊肉片唔羶，都算嫩口好味。
紐西蘭羊肉
7 瀏覽
0 讚好
0 留言
豚肉脂肪較多。
手打鯪魚丸較細粒但係都食得出係手打既。
台式鹽酥雞
8 瀏覽
0 讚好
0 留言
台式鹽酥雞居然都唔錯，新鮮熱辣，嫩滑有肉汁。
鮑汁扣雞腳, 胡麻醬秋葵, 香醋鮮雲耳
10 瀏覽
0 讚好
0 留言
鮑汁扣雞腳有d咬口，骨膠原感重。胡麻醬秋葵新鮮爽脆，加胡麻醬好食。 香醋鮮雲耳蒜香味濃，酸酸地幾開胃。
自助配料吧好衞生，全部用蓋蓋住或者用盒裝好，連青菜都用保鮮紙包住，抵讚! 選擇有好多，一般既火鍋配料如龍蝦丸，牛丸，腸仔，午餐肉，蔬菜，餃子等等都一應俱全。蔬菜特別係冬瓜片同萵苣片都超清甜，青菜如生菜質素都好高，完全可以滿足食菜既需要。其他青菜仲有娃娃菜，菜心同西洋菜。值得一提係連炸魚皮都有，淥一淥就食得，香脆好味。我都試左韮菜豬肉餃同冬菇雞肉餃，餃皮又薄又滑，煙煙韌韌，饀料又正，好好味喎。
湯底有十款，有辣有唔辣，好多選擇。今次揀左正宗藥膳鍋，湯料有好多黨參，甜桂圓，杞子同紅棗，湯底味道較淡，有少少似清湯，不過就較易食到食材本身既鮮味。唔夠味可以去自助醬油吧攞。
飲品櫃有兩大個，有好多選擇。
欣賞佢既自家製竹蔗茅根，少少甜味，感覺天然，係好清甜既蔗汁味。我同同行友人一人清左一支。
竹蔗茅根
32 瀏覽
0 讚好
0 留言
自家製甜品係綠茶紅豆布丁，每人限左一份，要同服務員講先有。綠茶布丁整得好滑溜，加上面頭一小pat紅豆蓉，為呢餐劃上一個完美既句號。
綠茶紅豆布丁
9 瀏覽
0 讚好
0 留言
落單後上菜時間都可接受，都冇乜點漏單既，所以兩個鐘實夠食飽。不過要落單嘅肉類質素如果可以穩定d，次次都好似第一輪咁就更好。自助配料吧既質素出奇地唔錯。
座位舒適，我地兩個人霸左個四人卡位，枱同枱之間距離足夠，坐得好舒服。整體衛生情況幾好，令人食得安心。計落價錢唔算貴，唔怪得平日晚市都咁多人。
張貼
