瀧宴日本料理

營業中

休息中

今晚約左個好耐無見嘅朋友食飯，上網見到瀧宴做消費券優惠就訂位。只要惠顧兩個套餐就免費獲得其中一樣，有日本象拔蚌，澳洲龍蝦，清酒一支。季節前菜爆膏嘅螢光魷魚加上粒粒飽滿嘅三文魚籽，口感豐富，下面仲有豆乳味濃郁嘅腐竹。季節刺身銀鱈魚bb入口嫩滑，金目鯛肉質細緻。季節吸物奶白色魚湯，鮮甜唔腥，鮮准山增加口感。野生大虎蝦虎蝦爽口彈牙，先食原味，後可加檸檬汁，師傅將蝦頭壓扁，食落脆卜卜。香煎銀鱈魚銀鱈魚煎到外面香脆，肉質好嫩滑。南非鮑魚呢個好好味，一點都唔靭，咬落爽口彈牙，加左三文魚籽帶有少少咸鮮味。美國頂級牛肉叫左5成，牛肉味濃，多汁。鹿兒島櫻花蝦炒飯配炒什菜炒飯粒粒分明，炒到乾身香口，加左櫻花蝦增加口感。