龍苑中菜廳

營業中

休息中

呢排天氣真係熱到不得了，嘆返個冬瓜盅真係必須的！今次試咗佢地嘅新menu「夏日至尊·養生冬瓜」，啱晒依家呢種天氣食，消暑降溫。明爐燒鵝，海皇瑤柱冬瓜盅燒鵝味道非常出色，肉質嫩滑又夠juicy。最期待嘅海皇瑤柱冬瓜盅足料又解渴，令人一碗接一碗，裡面仲有帶子及蝦肉，非常鮮味。清蒸沙巴龍躉，瑤柱節瓜甫 沙巴龍躉蒸得啱啱好，魚肉非常滑，豉油唔會死咸，又能帶出鮮味。節瓜甫加上非常滋味嘅瑤柱醬，清清地都好食！XO 醬西蘭花帶子，檸檬柚子蝦球，籠仔荷葉海鮮蒸飯平時女兒唔食蝦同帶子，但係佢今次搶住食，蝦球酸酸甜甜非常開胃。蒸飯粒粒分明，又有淡淡嘅荷葉味，女兒不斷話要再返黎食！最後仲有紅豆沙湯圓作結尾，非常滿足。紅豆沙口感綿滑，芝麻湯圓夠香濃。