翠林辣蟹舫

營業中

休息中

👩🏻一向鐘意食海鮮！尤其早排食完避風塘炒蟹，之後都係心心念念😳。今次呢間餐廳真係好有驚喜，海鮮靚唔使講，小菜都好有鑊氣😻。✨避風塘香辣蟹細蟹都勁大隻，蟹肉緊實鮮甜，連蟹腳位都好多肉。我哋揀咗少辣，陣陣蒜香微微辣好惹味。✨醋香拍青瓜青瓜爽脆清甜。醋味唔算好重，係令人開胃嗰種酸度。✨豬油渣福花福花有少少焦香，加埋豬油嘅邪惡香味，真係好食到誇張。✨食神炒飯炒得金黃，砌成錦鯉嘅形狀好特別。微微濕潤又唔會好油。有齊蟹籽、蝦肉、帶子，有口感又有鮮味。✨黃金流沙蝦球蝦球size大到誇張，味道極鮮甜。配埋港式生果沙律有少少懷舊嘅感覺。諗真啲好似純蝦版本嘅蝦多士，大人細路都鐘意。