影片
更多
2017-09-08
135 瀏覽
私房菜聽得多，一直都未試過，今晚朋友介紹，嚟左御膳食晚飯，呢度位於工廠大廈入面，由鱷魚恤中心行過嚟，大約10分鐘，都唔算難搵！我哋一行三個人，叫咗其中一個三人套餐，首先前菜有麻辣手撕雞，我個人唔係好食得辣，反而兩位朋友食得津津有味，話夠哂惹味，夏天食就啱晒！跟住就嚟咗個雜菌龍骨湯，湯成奶白色，有豆腐冬菇同埋龍躉骨，非常鮮味！店員仲好細心幫我地分埋湯，我哋每人飲咗兩碗，非常足料！跟住就令我最鍾意最期待嘅避風塘炒蟹，一嚟見到好大隻，仲好香蒜同辣椒嘅味道，嗱嗱聲叫罐可樂飲，點知原來係Facebook like 佢哋個page同share Photo又有免費一支可樂！一食落果然好新鮮，而且蟹鉗已經博開咗，成大嚿蟹肉一啖食落口！超級好味！跟住就係煎東星斑，外面煎到脆卜卜，入面嘅魚肉就好鮮味好滑！平時喺酒樓通常食清蒸，呢個覺得幾特別！食到呢度不得不提，佢哋會等你食完一道餸先上另外一道，而且會不停幫你換骨碟，服務唔錯，雖然都爆座但環境比起茶樓靜！跟住再嚟就係大蜆蒸蛋，蜆入邊有蒜蓉，蔥，而且好鮮甜，大蜆嘅味道入哂蛋入面，蛋又滑又香，perfect match！食咗咁多海鮮真係超滿足！唔好比佢停，下一道
我哋一行三個人，叫咗其中一個三人套餐，首先前菜有麻辣手撕雞，我個人唔係好食得辣，反而兩位朋友食得津津有味，話夠哂惹味，夏天食就啱晒！
跟住就嚟咗個雜菌龍骨湯，湯成奶白色，有豆腐冬菇同埋龍躉骨，非常鮮味！店員仲好細心幫我地分埋湯，我哋每人飲咗兩碗，非常足料！
跟住就令我最鍾意最期待嘅避風塘炒蟹，一嚟見到好大隻，仲好香蒜同辣椒嘅味道，嗱嗱聲叫罐可樂飲，點知原來係Facebook like 佢哋個page同share Photo又有免費一支可樂！
一食落果然好新鮮，而且蟹鉗已經博開咗，成大嚿蟹肉一啖食落口！超級好味！
跟住就係煎東星斑，外面煎到脆卜卜，入面嘅魚肉就好鮮味好滑！平時喺酒樓通常食清蒸，呢個覺得幾特別！
食到呢度不得不提，佢哋會等你食完一道餸先上另外一道，而且會不停幫你換骨碟，服務唔錯，雖然都爆座但環境比起茶樓靜！
跟住再嚟就係大蜆蒸蛋，蜆入邊有蒜蓉，蔥，而且好鮮甜，大蜆嘅味道入哂蛋入面，蛋又滑又香，perfect match！
食咗咁多海鮮真係超滿足！唔好比佢停，下一道餸係胡椒鮑魚！呢個醬汁好特別，好香胡椒味同平時食開嘅蒜蓉蒸好唔同，值得一試！
跟住就嚟個士多啤梨骨，酸酸甜甜，肉質好滑，搞到好想叫個飯送！
食到呢度我已經飽左一大截，仲有一個蟹油炒麵，朋友包辦，全部食晒！
到最後梗係要用甜品來畫上完美句號啦！今日嘅甜品係雲呢拿布甸
估唔到呢間私房菜有咁多海鮮食，而且啲煮法都幾特別！又新鮮！三五知己約埋上嚟飲下汽水啤酒，真係唔錯！唔使成日食嚟食去都係酒樓咁悶！
張貼
