喜記避風塘炒辣蟹 (肇明大廈)

營業中

休息中

尋晚同舊同事聚會，大家都係海鮮愛好者，選了喜記避風塘炒辣蟹。佢地主打海鮮，每款菜式都相當惹味，啱哂我地。首先，避風塘辣蟹果然係招牌菜。蟹肉鮮甜，避風塘蒜蓉同辣椒粒，味道濃郁，每一啖都增加蟹肉層次感。接著，有椒鹽瀨尿蝦，外皮炸得很酥脆，蝦肉彈牙，絕對係令人回味。下一道清酒鮑魚，則帶嚟另一種風格，鮑魚浸泡清酒後，散發出淡雅酒香，口感嫩滑，富有彈性。除了海鮮之外，小菜都出色，椒鹽豆腐外酥內軟， 味道濃淡交集，餸酒一流。咕嚕肉亦係必試推介，酸甜比例恰到好處，豬肉炸得香口，好有廣東菜嘅經典風味。最後，惹味BB乳鴿，皮脆肉嫩，調味恰到好處。整體來說，喜記避風塘辣蟹係一間值得推介嘅海鮮食店。無論係避風塘系列定係其他小菜，都充滿驚喜，食材新鮮，烹調用心，以後聚會，必定首選。