陳新記

營業中

休息中

今日同朋友就嚟咗鴨脷洲呢一邊搵食，就去咗呢一個鴨脷洲市政大樓嘅街市買啲海鮮上去加工，聽講呢度有一間幾出名嘅海鮮加工餐廳，所以就特登過嚟試吓，我哋就買咗瀨尿蝦鮑魚同埋都赤米🙈🙈椒鹽瀨尿蝦真係非常出色，每一隻都做得非常挺身，而且我覺得瀨尿蝦最好就係椒鹽，佢呢一間餐廳嘅做功非常好，有鑊氣之餘，而且味道上嘅調味唔會話太辣，啱晒啲食唔到辣嘅朋友🙈🙈 鮑魚我哋就叫咗清蒸，加少少陳皮成個味道更加昇華！赤米就白灼，所以都冇乜太大功夫！最後加咗個西多士，加工費都唔算太貴，我覺得可以接受🙈