金潮小廚

營業中

休息中

之前黎過金潮 佢雖然位於市區 但海鮮分分鐘比西貢果邊更加出色！金潮既招牌菜係黃金蝦 佢地唔知點樣做到 咸蛋黃係一層好薄既脆皮 而唔係一粒粒咸蛋 咸蛋既味道比一般既更出 蝦殻已炸到好脆 可以直接食 蝦又大又彈牙 好得!其他小菜都唔輸蝕架 冰梅骨比咕嚕肉清新 酸梅同排骨出奇地夾 好好食又岩送飯 芥蘭簡簡單單 清甜爽脆蒜香令人欲罷不能重點黎啦 叫左帶子同蟶子 兩者都係king size! 可以揀豉椒炒或粉絲蒸 上次食過豉椒蟶子 非常出色 今日我話事就全部粉絲上啦帶子今次乾左dd 但蟶子勁好味 大到成個口塞滿曬架 要慢慢細嚼就會食到果種海黎既鮮味 太正啦 粉絲其實先係主角 蒜蓉既香都唔會蓋過佢吸左貝殼類既肉汁 勁鮮味 我地果晚都唔知伴食左幾多碗飯呀!