海鍋手工涮涮鍋 (已結業)

呢間火鍋真係極度推介，未試過食一間火鍋店嘅嘢樣樣都咁好食😻😻😻我哋首先食咗一個象拔蚌刺身，首先要讚因為呢樣嘢唔係度度都有得食😻而且佢超級新鮮🎶🎶我哋叫咗冬瓜湯底，仲有鮑魚仔、白沙蜆，佢既蜆洗得好乾淨，唔會沙😽😽好味仲有紫菜墨魚丸同埋手打龍蝦丸😆完全唔係出邊食好多份嘅丸，有咬口，食到口感既存在😋😋蜂巢豆腐、鮮淮山，呢兩個聽落好似比較清淡咁，但其實佢會吸左啲湯嘅鮮味，所以你食落唔會覺得淡🤤🤤牛頸脊，😚😚好有牛味呀😻一放上黎就瘋狂落啦，因為我同我朋友都係牛魔王啊😽響鈴同埋炸魚皮，聽聞係佢哋店裏面自己新鮮炸！😋😋魚皮脆卜卜，響鈴好大舊😻😻真係熱氣都要食😋不過好彩佢哋呢度有涼茶飲，我哋就揀咗羅漢果茶💗