駒記海鮮大排檔

營業中

休息中

話說有一次唔知食乜好，俾佢嘅海蝦芝士伊麵吸引咗，價錢都唔平㗎成$200, 但見佢有七折就試吓食啦。點知一試難忘，真係好好食。佢啲海鮮羹魚肚羹豆腐羹我全部都試過晒好好食。然後其他就賴嘢啦，譬如水煮魚得過辣字完全冇調味，而且魚嘅份量極少，最多就係芽菜，我要自己到半支煲仔飯豉油落加烏冬去再煮過。蠔餅有好多蛋殼，要係咁吐返出嚟，而且同我食開嘅蠔餅好似有啲出入，似係蛋餅多個似蠔餅，真心唔識欣賞。椒鹽九肚魚基本上都係炸同埋加椒鹽，都可以唔好食因為唔脆，而且椒鹽係黐喺啲配菜上，啲魚係完全冇椒鹽味。