海膽仔

營業中

休息中

呢間經過好多次，有晚自己一個唔知食乜就過左嚟試叫左個海膽丼，海膽都鮮甜無腥味無怪味，表面粒粒分明唔會一pat野，份量都可以，都大塊（係飯比較多🤣）另外叫左兩款必試既小食同壽司黑蚊蚊既熔岩海膽魚餅，食到墨魚味，海膽味唔太出，熱食都唔錯。鵝肝壽司好得，又厚又大塊，食落唔腥唔膩🙈🙈如果唔係叫左個飯仲想再點另外試左最愛既火灸左口魚群邊，呢款就無咩驚喜，唔算特別大塊厚身。倍化帶子吞海膽賣晒，呢個都想試，下次想試埋串燒。整體都唔錯，服務都幾好，唔使嗌都有人斟茶。