海膽仔

營業中

休息中

前排去咗啟德塊空地野餐，環境幾舒服，野餐完去咗食晚飯，見airside嘅餐廳大多都係集團式多，價錢都偏貴，所以去咗新蒲崗個邊搵嘢食，上網見呢間多人推介又幾吸引，就入去試吓。一入門口已經見到有幾個凍櫃放咗海膽、其他刺身。三色迷你丼，$188，因為想試少少海膽，揀咗呢個樣樣試啲，3小杯分別有蟹膏蟹肉碎、海膽同葱拖羅粒，飯嘅份量3碗加埋都有平時食飯碗左右，海膽又未去到好甜，但都ok。反而個蟹肉有啲鮮味。鰻魚便當定食，$128，呢個同我想像中嘅有啲出入…我以為係一碗鰻魚飯再跟啲炸物小食，原來個飯只有好少，2啖就食哂…炸物同刺身唔錯，鰻魚飯就好普通。另外仲叫咗3串串燒：七味五花腩，和牛粒串，雞肉大葱，味道不錯。總結覺得刺身、生冷嘢做得比較好食，熟食就一般。