影片
更多
2022-02-20
131 瀏覽
難得出街放鬆下，一於食返餐好嘅，對住海景嘆返個別緻嘅午餐就夠曬寫意🧡餐廳設有品酒區、手工啤酒、Cocktail bar、鐵板燒同串燒五種元素，亦都係咁所以叫做「五武士」• 鐵板燒 $550/一位鐵板燒套餐分咗三個價位，今次揀個比較相宜嘅餐小試牛刀先！前菜有凍茄子、沙律同茶碗蒸，大膽地試咗平時討厭嘅茄子，口感偏爽感覺似瓜類，冇一般茄子軟爛嘅質感，對我嚟講較易接受！茶碗蒸上有一絲絲嘅蟹肉，蛋裡面有魚糕、冬菇、白果等食材，鮮味十足✨北海道元貝非常大粒，煎得金黃焦香，內裡呈半生熟嘅狀態，鮮甜中帶牛油香氣，浸住菇菌清湯不覺油膩！另一主角美國牛肉薄燒則用上牛肉包住大量蔥花蒜蓉，香得嚟又唔會掩蓋牛肉嘅味道，火喉控制得好好，附上炸蒜片、鹽同芥末可以自行調味😚炒飯炒得夠乾身惹味，飯粒飽滿圓潤，甜品係黃豆粉抹茶蕨餅🤤• 武士海蝦天婦羅御膳 $328新鮮炸起嘅天婦羅有兩隻大蝦、蟹棒、冬菇、南瓜、茄子、紫蘇葉等，炸漿輕薄，雖然係炸物但係食完都冇咩滯感，難得可以食到爽口彈牙唔係厚粉扮大隻嘅天婦羅蝦好感動🥺
餐廳設有品酒區、手工啤酒、Cocktail bar、鐵板燒同串燒五種元素，亦都係咁所以叫做「五武士」
• 鐵板燒 $550/一位
鐵板燒套餐分咗三個價位，今次揀個比較相宜嘅餐小試牛刀先！前菜有凍茄子、沙律同茶碗蒸，大膽地試咗平時討厭嘅茄子，口感偏爽感覺似瓜類，冇一般茄子軟爛嘅質感，對我嚟講較易接受！茶碗蒸上有一絲絲嘅蟹肉，蛋裡面有魚糕、冬菇、白果等食材，鮮味十足✨
北海道元貝非常大粒，煎得金黃焦香，內裡呈半生熟嘅狀態，鮮甜中帶牛油香氣，浸住菇菌清湯不覺油膩！另一主角美國牛肉薄燒則用上牛肉包住大量蔥花蒜蓉，香得嚟又唔會掩蓋牛肉嘅味道，火喉控制得好好，附上炸蒜片、鹽同芥末可以自行調味😚炒飯炒得夠乾身惹味，飯粒飽滿圓潤，甜品係黃豆粉抹茶蕨餅🤤
• 武士海蝦天婦羅御膳 $328
新鮮炸起嘅天婦羅有兩隻大蝦、蟹棒、冬菇、南瓜、茄子、紫蘇葉等，炸漿輕薄，雖然係炸物但係食完都冇咩滯感，難得可以食到爽口彈牙唔係厚粉扮大隻嘅天婦羅蝦好感動🥺
張貼
