影片
更多
2025-04-14
86 瀏覽
週末嘆 Weekend Brunch，於我而言係最佳節目，如果餐廳坐擁海景，可悠然地對著寧靜的大海呷一口美酒，那就是更高的享受。這個週六，就跟朋友來到中環的Watermark，品嚐餐廳新推出的早午餐。位處七號碼頭的Watermark，無論室內裝潢，定係景觀，都唔會有得輸。紅白酒、汽酒、生啤或Cocktail，那款是你心水? 個人而言，白酒及汽酒從來是週末早午餐的首選飲品，呢度都有free flow plan，何樂而不為?今次個早午餐內容，豐富到一個點，單是前菜已有十一款，包括漬帶子、油甘魚、一夜干魷魚、烤豬腩肉、和牛他他及布拉塔芝士等等等等... 你話幾誇張~當中的漬帶子、漬油甘魚和一夜干魷魚都是以貝殼作盛器，賣相好靚。各式材料亦好新鮮，配白酒最岩。和牛他他也是經過裝飾點綴，賣相好睇之餘，口感也不俗，配脆麵包吃亦好。食肉獸既朋友唔使擔心，層次分明的烤豬腩肉，伴以惹味汁醬，肯定滿足到你，至少我覺得好正。炸粟米餅，以波波造型亮相，伴以羽衣金藍，係我既推介。健康既朋友亦有大把選擇，帶八珍甜醋風味的紅金菜頭、爽脆之迷你羅馬生菜沙律、精緻既布拉塔芝士伴布冧，以及長柄西蘭花，梗有一款 (應該係多款
週末嘆 Weekend Brunch，於我而言係最佳節目，如果餐廳坐擁海景，可悠然地對著寧靜的大海呷一口美酒，那就是更高的享受。這個週六，就跟朋友來到中環的Watermark，品嚐餐廳新推出的早午餐。
位處七號碼頭的Watermark，無論室內裝潢，定係景觀，都唔會有得輸。
紅白酒、汽酒、生啤或Cocktail，那款是你心水? 個人而言，白酒及汽酒從來是週末早午餐的首選飲品，呢度都有free flow plan，何樂而不為?
今次個早午餐內容，豐富到一個點，單是前菜已有十一款，包括漬帶子、油甘魚、一夜干魷魚、烤豬腩肉、和牛他他及布拉塔芝士等等等等... 你話幾誇張~
當中的漬帶子、漬油甘魚和一夜干魷魚都是以貝殼作盛器，賣相好靚。各式材料亦好新鮮，配白酒最岩。
和牛他他也是經過裝飾點綴，賣相好睇之餘，口感也不俗，配脆麵包吃亦好。
食肉獸既朋友唔使擔心，層次分明的烤豬腩肉，伴以惹味汁醬，肯定滿足到你，至少我覺得好正。
炸粟米餅，以波波造型亮相，伴以羽衣金藍，係我既推介。
健康既朋友亦有大把選擇，帶八珍甜醋風味的紅金菜頭、爽脆之迷你羅馬生菜沙律、精緻既布拉塔芝士伴布冧，以及長柄西蘭花，梗有一款 (應該係多款) 合你心意。
主菜選一款，雞牛羊豬魚都有得揀，甚至可以像我一樣，加錢轉原隻波士頓龍蝦。
原隻龍蝦端上枱，賣相的確贏晒，喜歡佢肉質保持嫩滑 (你知好多地方都會過熟架嘛)，龍蝦鉗當然更精彩，配上點點三文魚籽作點綴，沾上合我口胃的西京味噌汁醬，無投訴！
甜品係一個拼盤咁上，精美既雪糕，一口的芒果蛋糕、朱古力蛋糕及紅嗓子芝士蛋糕，加上馬卡龍，配一口咖啡，圓滿。
張貼
