WATERMARK

早前與好友到中環Watermark來個周末brunch, 於舒適的環境享受美食, 微醺之中度過愉快周末.  Brunch共有前菜11款、主菜7選1、甜品拼盤.270度海景, 每張枱距離寬闊, 樓底高, 就算多客都不會太嘈吵. 看到菜單, 已經好期待. 喜歡鷹咀豆蓉的話, 這份開心果鷹咀豆泥醬都算幼滑, 又有新鮮無花果及芫茜, 配搭新穎.  酸種麵包配紫菜牛油, 非常高質!  酸種是有一種吸引力, 外脆而內有少少煙韌, 而紫菜牛油好香口, 塗了很多在包上. 這個presentation挺好, 很配合海景餐廳~ 淺漬油甘魚夠油潤, 入口順滑, 點睛之處是牛油果慕絲及三文魚魚籽, 增加咸鮮. 帶子慕絲是切得小件, 伴以青蘋果莎莎醬及手指檸檬, 是清淡清新.相比之下, 和牛他他就相對地十分濃味, 可能是伴了金山寺味噌~ 沒有吃太多, 反而迅速被其他美食吸引. 必食漬紅菜頭沙律, 混了八珍甜醋, 吃起來是酸甜有度, 開胃清爽. 金菜頭尤其清甜. 有芝士及飯素加持, 令這份迷你羅馬生菜沙律變得極為吸引, 咬下的清脆爽甜, 讓我們再order.   烤一夜干魷魚配枝豆及紫蘇, 這個比預期中的軟稔, 若果爽口些會較好, 味道是對辦.烤椰菜花, 外形似極大的爆谷~  伴了甜酸醋栗, 咬下爽口, 也不錯~ 期待已久的烤豬腩肉來啦~ 的確沒讓我們失望, 肥瘦適中, 脂肪位置都被烤得香脆, 沾了甜椒醬、紫蘇葉及辣椒來吃, 好好味~  翠綠的西蘭花苗也讓菜式也為菜式加分.   由於我們一枱人, 所以就能點不同主菜來分享, 例如燴牛面頰肉, 含豐富膠原蛋白及結實的肌纖維, 因為吃起來是軟嫩帶黏糯, 非常滋味. 伴碟薯泥十分香滑, 又伴了牛肉汁, 很完整.   雖然要加HK$220, 但這份烤原隻波士頓龍蝦很推介! 添了西京味噌, 鮮味十足, 龍蝦身彈牙, 蝦鉗軟滑, 超讚.另一款要加錢的是M7和牛後腰肉 (加HK$120), 五成熟, 肉味香濃, 四邊煎得香口而中心肉質嫩滑.  就連法式薯批都幾有睇頭, 混了蠶豆、羊肚菌、焦糖洋蔥及牛肉汁, 所以味道幾複雜. 個人也很推介松葉蟹義麵, 先說麵質彈牙, 拌了巴馬臣芝士、鹽漬檸檬及龍蝦汁, 整體幾開胃, 可以自己一人吃光也不是問題. 朋友很喜歡這道法國黃油雞, 烤得金黃, 好惹味~ 伴碟是幼滑的煙肉香蔥薯泥、少見的黑皮雞樅菌、炸羽衣甘藍, 整個配搭非常得宜. 甜品拼盤就是按人數的, 這是三人份量. 6款甜品分別是綠茶tiramisu、香蕉朱古力蛋糕、macaron、芝士蛋糕等.再來一杯咖啡, 真的很滿足啊~ 周末Brunch - 成人每位HK$598+10%(包一杯咖啡或茶); 小童(4至10歲)每位HK$250+10%(輕量版主菜、無限暢飲汽水及果汁)也可考慮加錢享150分鐘無限暢飲, 例如每位加HK$60就可享雜果賓治、汽水、果汁、青檸梳打、咖啡或茶、礦泉水. 想喝酒精, 不妨每位加HK$290 享氣泡酒、Chardonnay 白酒、Pinot Noir 紅酒. …查看更多

而家我返工又晏咗一個鐘所以晏晝可以同老婆去食好嘢！呢日我哋就去咗食Sunday brunch，食完先施施然去返工個人都開心啲。地點喺超級方便我嘅中環Watermark！呢間餐廳有靚海景喺咁嘅環境下食早午餐真係勁享受。食呢個早午餐可以加$290任飲150分鐘嘅雞尾酒、氣泡酒、紅白餐酒同埋啤酒，要返工嘅關係我就加$60任飲汽水、果汁、雜果賓治、青檸梳打同埋有氣冇氣嘅礦泉水。首先會有11個前菜送嚟食完唔夠喉嘅話都可以再返兜！先整件香脆嘅酸種麵包，本身佢哋係配紫菜牛油可惜我唔食得，侍應另外攞咗海鹽牛油俾嚟等我招呼好週到。漬紅菜頭沙律入面有紅黃兩款，平時唔鍾意食醋嘅我都覺得味道好得，原來用咗八珍甜醋嚟調味食落好酸香配紅菜頭真係好夾。迷你羅馬生菜沙律勁爽脆鮮甜，上面有飯素我要撇開先至食到，不過仲有好多鹹香嘅芝士所以唔會淡茂茂仲好好食添。烤椰菜花望落個樣好似乾爭爭點知食落去好香口，味道酸酸香香咁又幾好食喎。開心果鷹嘴豆泥醬食落去好香滑，佢哋嘅橄欖油好靚有咗佢香味出晒嚟，夾埋啲無花果一齊食多咗啲甜味好唔錯。淺漬油甘魚上面綠色嘅係牛油果慕絲，加埋鹹鮮味濃嘅三文魚籽一齊食鮮味會更加出。帶子慕絲夠晒香滑上面仲有啲帶子粒，加埋青蘋果莎莎醬同埋手指檸檬呢個慕絲果香味好濃。和牛他他用咗有蔬菜味嘅金山寺味噌調味，食落去嘅味道比平時嘅他他特別好多。西蘭花苗烤得好焦香點啲甜椒醬食會仲惹味！烤豬腩肉係會令人瘋狂嘅味道，咬落去油花四濺加埋紫蘇葉嘅香同埋辣椒嘅辛味道好有層次。烤一夜干魷魚整得夠香口，如果可以飲酒呢味前菜真係啱晒。食完前菜係時候食主菜喇！牛魔王梗係先食M7和牛後腰脊骨肉，呢個主菜要另外加多$120。我哋揀咗三成熟出嚟嘅效果到位！食落去外面焦香入面軟腍腍口感唔錯，點埋濃郁嘅肉汁食大大滿足鍾意食牛嘅我。件伴菜法菜式薯批都唔惹小㗎！外面炸到脆卜卜入面就夠晒粉淋，面頭仲有好多香甜嘅焦糖洋蔥食落去勁正斗。燴牛面頰肉煮到入口即化而且超級入味！薯蓉溝埋啲勁濃牛肉汁一齊食實在精彩。法國黃油雞睇個樣就知道佢有幾咁香！除咗皮脆之外啲肉都做得唔錯絕對唔會鞋口，墊喺底下面嘅煙肉香蔥薯蓉都幫手攞咗唔少分㗎。老婆大人鍾意食海鮮！呢個烤波士頓龍蝦就算要加$220我都捨得叫俾佢食，龍蝦做得好出色用咗日式嘅西京燒味噌味嚟煮，食落去又鮮又香絕對係值回票價。松葉蟹義麵啱晒老婆大人食！呢個係用龍蝦汁嚟煮所以好鮮味，加埋香到不得了嘅巴馬臣芝士味道真係幾唔錯。鮑魚飯除咗意大利米外原來仲有薏米所以口感好得意！不過入面有紫菜都係留比大家嘆好喇。甜品拼盤都好鬼豐富不過最特別我覺得係中間嘅香蕉拖肥！喺香蕉味入面又有啲朱古力嘅香甜得嚟又唔會覺得好漏，唔鍾意食甜品嘅我都食咗唔少呀。…查看更多

上星期日天氣超好在這風和日麗的假日跟好友享受假日早午餐就最開心。四月來過WATERMARK品嚐這兒的Brunch印象十分不錯！得知餐廳加了不少新菜式就約好友們同來開大餐。餐廳景緻跟裝潢絕對是吃早午餐的標準靚環境！超高樓底配襯270度海景加上落地玻璃，明媚風光盡入眼簾非常享受。早午餐加$290/位可享150分鐘無限暢飲！當中有意大利弗留利氣泡酒、美國加利福尼亞州莎當妮白酒、紐西蘭豪克斯灣黑皮諾紅酒，另外雞尾酒選擇有Aperol Spritz及Suzie Mary，還有Stella Artois生啤及INEDIT Damm Rosé等超為選擇。想渡一個微醺的中午必定要Join暢飲項目好梳乎耶。不飲酒的只需$60/位便可暢飲雜果賓治、汽水、果汁、青檸梳打、各式咖啡或茶、天然礦泉水及有氣礦泉水。甫坐下侍應便會送上足足11款的前菜！讓大家沉睡的胃口好好打開。酸種麵包配搭紫菜牛油很易令人瘋狂！切記留肚因為真的還有非常多美食等待我們。漬紅菜頭沙律新鮮度非常高！除了紅菜頭之外還有我喜歡吃的金菜頭，以很代表香港的八珍甜醋調味吃下酸香細膩。迷你羅馬生菜沙律鮮甜爽脆美味非常！灑上滿滿芝士及飯素出奇地合拍令味道更上一層樓。烤椰菜花充滿燒香味道！配襯開胃的甜酸醋栗及夏威夷果仁，味道跟口感也非常豐富吃得滋味。開心果鷹嘴豆泥醬充滿果仁的香氣！配搭新鮮清甜無花果添香甜味道好可愛。淺漬油甘魚配上牛油果慕絲及三文魚籽，鮮味中帶出鹹香加上口感柔滑比淨刺身來得更加美味，香滑的帶子慕絲配搭清爽青蘋果莎莎醬及酸香手指檸檬，這個前菜帶來非常清新醒胃的感覺。和牛他他配金山寺味增我就無緣品嚐了！那交給懂欣賞的朋友好好享受吧。烤一夜干魷魚煙靭彈牙的口感非常唰嘴！配搭枝豆及紫蘇帶來非常日式的風味。西蘭花苗配甜椒醬即時變得惹味，旁邊的烤豬腩肥瘦均稱充滿油香，面頭灑上紫蘇葉及辣椒增添不少香辣風味。來到主菜我選上烤原隻波士頓龍蝦(+$220)，大廚好貼心將龍蝦起肉讓我吃得更暢快，鮮甜爽彈的龍蝦以西京味噌來調味，再配搭辣椒及海帶將海洋風味帶到嘴巴之中好好吃喔。法國黃油雞做到皮脆肉香，墊底還有我喜歡的煙肉香蔥薯泥，喜歡吃雞的朋友可以一試。M7和牛後腰脊肉(+$120 )肉色粉嫩非常吸引！但我更喜歡伴碟的法式薯批，香脆的薯批上鋪滿了蠶豆、羊肚菌及焦糖洋蔥，吃下去除了薯仔香氣外還帶有超香甜的味道好吃啊。燴牛面頰肉蘆筍、迷你甘筍、薯泥也是牛魔王不可錯過的主菜。喜歡澱粉質的可選以下兩款！首先有超可愛的鮑魚飯，鮑魚飯內混入了薏米口感即時大升級，調味運用上充滿海洋鮮味的紫菜、南瓜籽及花椒味道層次感非常豐富。松葉蟹義麵用了鮮味的龍蝦汁來炮製！再加上邪惡的巴馬臣芝士和清香鹽漬檸檬，還有滿滿松葉蟹肉吃起來鮮香沒膩感。甜品拼盤非常豐富有香蕉拖肥、Tiramisu、芒果蛋糕、紅桑子芝士蛋糕、新鮮莓果杯及馬卡龍，相信甜迷必定會非常滿意這個組合。假日海畔早午餐成人收費$598/位、4至10歲小童$250/位(包有輕量版主菜、無限暢飲汽水及果汁)。…查看更多

集合食景、美食、食環境於一身，飽覽270度維港無敵海景，日照藍天白雲、日落美景、璀璨夜景都能同時尊享。超高樓底輕奢華裝修，可以好好享受一頓浪漫晚餐𓈏服務💯，而家非常之少見。由親切reception到靚仔待應，全個服務都好enjoy，連幫客人影相都非常認真，絕對可以encore ( ˶ˊᵕˋ)੭♡ꕀ ꕀ 𖠳 ᐝ ꕀ ꕀ𖣳GRILLED OCTOPUS $188八爪魚煮到好腍好肉味，同時保留口感，有地中海風味𖣳IBERICO PORK $248暫時食過數一數二既伊比利亞豬，有慢煮嘅口感，好淋滑，配合nut同apple軟硬酸甜配料，多重層次口感𖣳PATAGONIAN TOOTHFISH $338好厚肉地魚柳， 配合蜆肉提鮮，加埋炸過嘅羽衣甘藍，似紫菜，視覺同味覺都非常享受𖣳MANGO COCONUT PAVLOVA Fresh Mango, Coconut Mousse, Pomelo, Passion Fruit Sauce口感豐富，好清新，唔會甜同漏，個生日牌仲好eye catching ⸜♡⸝ Mocktail n Cocktail亦非常精緻吸睛，必點～…查看更多

朋友推薦話之前我幾鐘意嘅餐廳Watermark出左個好食嘅weekend brunch，食左兩個星期，比較埋另一餐近來好hit嘅brunch先寫，持平啲，推薦下大家都好鐘意又有景又有靚野食嘅Waternark。$598一位的假日海畔早午餐12點食到3點，如果你飲酒，加少少錢就可以無限暢飲，$290就有紅白汽泡餐酒飲。如果飲得嘅，絕對值回票價。前菜有好多選擇，不過最癲嘅係，可以任食，先來的酸種麵包，講真幾好，但唔想浪費位置，絕對值得再點。淺漬油甘魚，加上柚子味噌，仲有淺漬帶子，呢兩個刺身都好新鮮，另外的和牛他他都係必加之選。漬紅菜頭沙律用上八珍甜醋，那味道特別精彩，仲有迷你羅馬生菜沙律，布拉塔芝士等等都係質素好高的前菜，可以任食，真心離譜。熱食前菜有烤一夜干魷魚，炸粟米餅，西蘭花苗同烤豬腩肉，個人最愛粟米餅同烤豬腩肉，我哋加單左三次，都未捨得食主菜。西蘭花苗，食幾碟又係值哂。人多好辦事，基本上所有主菜都點左，烤三文魚旁邊的日本南瓜、洋薏米、蘆筍、西班牙辣椒、風乾火腿泡沫夾上三文魚味道更加多元化。西班牙伊比利亞黑毛豬當然燒得好，旁邊的皺葉甘藍、燒蘋果榛子等伴著吃，減去油膩感覺。三黃雞肉卷係朋友C小姐大推薦，我當然也全力大啖大口支持。羊不是我杯茶，但澳洲羊架卻是朋友心水，講到咁，試一啖都係幾好。加$120都要吃的M7和牛後腰脊肉同烤原隻波士頓龍蝦，果然一分錢一分貨，無論味道，賣相也是最佳，特別係龍蝦，溫度味度剛剛好，仲有那個和牛後腰脊肉，係會令人懷念的美味。甜品相對簡單，但加杯咖啡，坐係呢個無敵海景享受一下，呢個價，絕對超值，呢排咁多紅假，唔好出去同人逼，係香港食餐brunch 都係一個幾好嘅提議。…查看更多

第一次來到位於中環碼頭的watermark，入到來絕對嘩一聲！無敵大海景，超高樓底，富麗堂皇的水晶燈，真的好美😍.點了晚市二人餐，價錢又唔太貴$1088兩位，➡️頭盤海鮮拼盤超吸睛😍多款海鮮so igable，款款新鮮，最愛帶子生蠔和鮑魚😋➡️前菜松葉蟹沙律，大大塊脆脆加上啖啖蟹肉，口感層次好豐富👍🏻➡️主菜卡邦尼寬條麵大大溫泉蛋好治癒🥰麵口感彈牙有咬口食落濃厚creamy好味🤤➡️另一主菜深海白鱈魚🐟厚肉鮮味，外脆內軟，配菜Japanese Squash、Barley味道甜甜地好特別😋➡️甜品香蕉拖肥，底層脆脆中間雪糕上層cream，濃濃香蕉口味，甜絲絲口感豐富好好味🤤…查看更多

去咗中環海旁嘅WATERMARK，食咗佢哋新出嘅OCEAN'S BOUNTY MENU，兩位用都係$1088，仲要有得望住個海景，CP值都幾高🫶🏻SEAFOOD PLATTER （2人份）海鮮拼盤勁豐富，有生蠔、蝦、帶子、油甘魚、魷魚、鮑魚，全部都好新鮮😍 配埋Cocktail Sauce、蘋果青瓜醋汁同芥末乳酪醬，酸酸甜甜又有啲辣，超開胃🤤🥗APPETISER🦀SNOW CRAB SALAD呢個沙律真係驚喜，賣相好精緻🫶🏻 雪蟹肉鮮甜，配埋爽脆嘅大頭菜同蜜糖豆，再加埋少少酸甜嘅黃醋醬，清新得嚟又有層次感，仲有塊紫菜脆片，口感一流👍🏻FIRST COURSE🦑 BLACK INK係半乾魷魚配陳年意大利米，魷魚煙韌有嚼勁，米飯吸晒墨汁精華，creamy得嚟唔膩❤️SECOND COURSE🥩 DRY AGED CAB BEEF SIRLOIN （120z安士）（+$100）12安士真係夠晒份量，外脆內嫩，肉味濃郁，配菜有燒西蘭花、油封蕃茄同炸薯條，簡單但夠晒平衡🥰SWEET🍌 BANOFFEE甜品控必試，香蕉蓉加埋朱古力碎、焦糖核桃，底層仲有脆脆餅底，甜而不膩，完美收尾❤️…查看更多

老公生日月，不停搵性價比高的餐廳食好西🥰大推呢間位於中環碼頭的靚靚浪漫西餐廳，環境氣氛一級棒👍🏻落地玻璃無敵大海景🌊打卡好靚😍.點了二人dinner set，海鮮拼盤太豐富🤩鮮味十足款式又多，擺盤精緻打卡一流📸 前菜烤八爪魚🐙厚身彈牙有咬口，仲有配菜好好味😋到主菜一夜干魷魚墨汁燴飯，濃厚墨汁口味又creamy，滿滿海鮮味道香氣十足，魷魚🦑口感q彈👍🏻另一款主菜乾式熟成特選西冷扒，牛味濃厚肉質軟熟，煎得剛好☺️最後甜品tiramisu ，太滿足了😌.另外大讚cocktail watermark，好夢幻打卡超美😍好易入口岩哂女仔飲🍸.100分的環境、服務、美食，人均大約$500-600，以中環高級餐廳來說真的滿合理，大家都食得開心🥳…查看更多

再訪中環海景餐廳！試咗佢哋嘅 Ocean’s Bounty Menu，兩人份海鮮拼盤食到超滿足，有生蠔、大蝦、帶子、油甘魚、魷魚同鮑魚，海鮮非常新鮮甜美，配上特製Cocktail醬料同蘋果青瓜醋汁，好開胃。烤八爪魚煙韌帶煙燻香味，黑墨汁飯飯粒吸收晒魷魚精華，食落好有層次感。乾式熟成12oz西冷扒（加$100）肉質嫩滑多汁，配薯條同燒西蘭花啱晒肉食控。最後甜品係香濃Tiramisu，滑溜芝士慕絲配咖啡海綿蛋糕，甜而不膩，完美收官。餐廳環境優雅，面向維港，氣氛浪漫又chill，係約會同拍拖聚餐嘅不二之選。整體CP值高，價錢合理，絕對推介嚟感受海景同鮮味並重嘅美食體驗！…查看更多

今次黎到位於海旁嘅Watermark，品嚐下佢哋新出嘅Ocean’s Bounty Menu，望住海景食飯，有feel～🌃 🦐Seafood Platter好豐富嘅海鮮拼盤，有齊生蠔、大蝦、帶子、墨魚、鮑魚仲有油甘魚刺身，每樣都好新鮮，生蠔鮮甜，啲蝦肉彈牙，配埋cocktail sauce 同埋個蘋果青瓜醬，清新又開胃😋🦀 Snow Crab Salad雪蟹肉真係好鮮甜、加埋酸酸甜甜嘅沙律汁，完全帶出咗蟹肉嘅鮮味，撈埋海苔脆片一齊食，口感好豐富👍🏻 🦑 Black Ink魷魚煙韌，米飯吸收咗墨魚汁嘅精華，真係好入味！🥩Dry Aged Cab Beef Sirloin5成熟啱啱好，中間粉嫩粉嫩㗎，牛味好濃郁，又嫩又juicy🫶🏻🍌Banoffee有驚喜！香蕉雪糕同焦糖冇得輸，味道唔算太甜，仲有pecans同脆餅底，口感豐富🥰🍹Dame Rouge & Aurora 兩杯嘢飲都係用水果做基調，甜度適中，感覺輕盈😍…查看更多

週末去了中環7號碼頭的Watermark用餐，很喜歡這裡能飽覽維港海景，氣氛浪漫。餐廳新推出了Ocean Bounty主題菜單，兩位只需$1,088，性價比好高。首先上桌的是兩人份的海鮮拼盤🦐🦪超豐富，包括鮮蝦、鮑魚、生蠔、刺身、帶子和魷魚，全部都非常新鮮🥰接著是松葉蟹沙律，賣相精緻，裡面滿滿的松葉蟹肉，味道鮮甜可口。第一道主菜是卡邦尼闊條麵，配料有Guanciale（意式豬面頰肉）、流心蛋和帕瑪森芝士，味道濃郁香醇。第二道主菜是深海白鱈魚，魚皮煎得香脆，魚肉嫩滑多汁，搭配日本南瓜、意米、蘆筍及紅甜椒帕爾馬火腿泡沫，口感層次豐富。特別喜歡醬汁煮過的意米，帶有微微甜味。甜點是香蕉拖肥（Banoffee），裡面有香蕉醬、新巧克力脆片和糖霜胡桃，底層還有脆脆餅乾，整體香甜不膩，為這餐畫下完美句號。…查看更多

🌊 WATERMARK 中環｜維港無敵海景早午餐 • 味蕾與視覺嘅雙重盛宴 🍽️✨.—— ✨ 前菜 • 味覺嘅華麗前奏 ——1. 酸種麵包 x 紫菜牛油 🍞🧈 * 麵包外脆內軟韌，酸種香氣濃郁，搭上鹹鮮嘅紫菜牛油，微鹹帶海苔香，牛油質地絲滑，一啖咬落去層次分明，開胃到停唔到口！2. 淺漬油甘魚 x 牛油果慕絲 🐟🥑 * 油甘魚油脂豐腴，漬過後更顯鮮甜，配上綿密嘅牛油果慕絲同爆漿三文魚籽，鹹鮮與creamy口感交織！3. 和牛他他 x 金山寺味增 🐮🌿 * 生牛肉他他剁得細膩，混入，金山寺味增帶微微發酵豆香，濃郁得嚟夠曬平衡！4. 烤椰菜花 x 甜酸醋栗 🥦🍇 * 椰菜花烤到焦香脆邊，內裡爽嫩，淋上酸甜醋栗醬，果香撲鼻，素食者必試！.—— 🥩 主菜 • 飽足感嘅靈魂之作 ——1. 燴牛面頰肉 x 蘆筍薯泥 🐮🥔 * 牛面頰肉燉到纖維鬆化，醬汁濃郁帶紅酒香，配上奶香薯泥同爽脆蘆筍，每一啖都係滿滿膠質同肉香，經典法式風味！2. 法國黃油雞 x 黑皮雞樅菌 🐓🍄 * 雞皮煎到金黃脆口，肉質嫩滑多汁，底部煙肉香蔥薯泥鹹香惹味，雞樅菌爽脆帶木香，口感豐富到爆！3. 松葉蟹義麵 x 龍蝦汁 🦀🍝 * 手工義麵彈牙有咬口，松葉蟹肉鮮甜到不得了，龍蝦汁濃郁鮮美，食完齒頰留香！4. M7和牛後腰脊肉 +$120 🥩🔥 * 和牛煎到五成熟，肉芯粉嫩多汁，油脂分布均勻，香氣逼人！法式薯批層次分明，蠶豆清新解膩，絕對值回票價！.—— 🍰 甜品拼盤 • 完美句點 ——甜品拼盤集合多款精緻甜點，驚喜感十足🎨.甜品拼盤 🍰✨包含多種色彩繽紛嘅甜品🍌 香蕉拖肥，外層香脆，內裡柔軟，帶有濃郁的香蕉香氣🍮 Tiramisu，層層交疊之咖啡乡奶油口感，甜中帶苦，令人回味無窮🥭 芒果蛋糕，清新果香，蛋糕綿密，口感輕盈🍰 紅桑子芝士蛋糕，濃郁奶酪與酸甜紅桑子的完美結合，口感豐富🍓 新鮮莓果杯，多汁的莓果清新爽口，口感清脆，帶來完美的平衡🧁 馬卡龍，外脆內軟，口味豐富.📌 總結海景、美食、儀式感一次過滿足，無論慶生定約會都夠體面。前菜驚喜度高，主菜水準穩，尤其推薦和牛同蟹肉義麵，甜品拼盤睇得又食得！趁假日嚟趟維港旁嘅慢活早午餐啦～💖WATERMARK✨📍 地址：香港中環7號碼頭L號舖
.#WATERMARK #中環美食 #香港早午餐 #維港海景餐廳 #食在香港…查看更多

放假想搵個地方對住個海，嘆返個悠閒Brunch，相信係唔少香港人嘅願望清單之一。講到海景餐廳，位處中環7號碼頭頂層、如同一座海上玻璃屋嘅Watermark，總係第一時間浮現喺腦海。佢個270度無死角維港景，一直係情侶約會、慶祝紀念日嘅聖地。今次我就親身試咗佢哋嘅「假日海畔早午餐」（Harbour Brunch Bliss），由環境、前菜、主菜到甜品，同大家嚟一個全方位深度解構，睇下喺世界級靚景之下，食物質素係咪一樣有驚喜！環境篇：270度無敵大海景，打卡值滿分 📸未品嚐美食之前，先要為呢度嘅環境鼓掌。餐廳採用全落地大玻璃設計，將維港兩岸由中環IFC到尖沙咀文化中心嘅天際線盡收眼底，視野完全無遮無擋。陽光透過玻璃灑落餐廳每個角落，空間感十足，非常開揚舒服。無論你被安排坐喺邊個位，基本上都係「海景第一排」。淨係坐喺度，望住船隻喺海上緩緩駛過，已經係一種極致嘅享受。講真，單憑呢個景，已經值回票價一半，絕對係「呃like」嘅不二之選。前菜盛宴：十多道菜式，係誠意亦係實力！好多人對Brunch嘅前菜唔會抱太大期望，但Watermark完全顛覆咗呢個諗法。當十幾道前菜一次過放滿成張枱，嗰種視覺震撼，已經令人食指大動。呢個唔單止係「大堆頭」，細心品嚐之下，你會發現每一碟都係廚師團隊精心炮製嘅藝術品。海洋序曲 🌊淺漬油甘魚 (Hamachi Crudo):油甘魚極之新鮮，魚油甘香豐腴，配上綿密嘅牛油果慕絲同鹹鮮嘅三文魚籽，喺口中奏起清新而富層次感嘅海洋樂章。帶子慕絲 (Scallop Mousse):口感輕盈如雲，保留住帶子嘅清甜，配上青蘋果莎莎嘅爽脆果酸，同埋「生果界魚子醬」手指檸檬嘅獨特香氣，瞬間喚醒味蕾。烤一夜干魷魚 (Semi-dried Squid):魷魚經過風乾濃縮鮮味，口感煙韌有嚼勁，充滿炭燒香氣，配上紫蘇葉，係一道極佳嘅佐酒小食。大地與和風 🍖和牛他他 (Wagyu Beef Tartare):絕對係前菜中嘅驚喜！頂級和牛嘅嫩滑，配上日本金山寺味噌嘅甘醇鹹香，比起傳統做法更具深度同和風特色，令人一試難忘。烤豬腩肉 (Pork Belly):豬皮燒到「咔嚓」一聲，香脆無比，底下嘅五花腩肥瘦相間，入口即溶。配上紫蘇同辣椒絲，完美平衡油膩感，邪惡又惹味。田園變奏 🥗漬紅菜頭沙律 (Pickled Beetroot Salad):大膽用上香港人熟悉嘅「八珍甜醋」去醃漬紅菜頭，甜、酸、醇厚嘅味道完美昇華咗蔬菜嘅清甜，配搭極具創意。開心果鷹嘴豆泥 (Pistachio Hummus):幼滑嘅鷹嘴豆泥加入開心果仁，增添堅果甘香，配上新鮮無花果嘅清甜多汁，充滿中東風情。其他蔬菜如烤椰菜花、西蘭花苗等，都透過唔同嘅烹調方法同特製醬汁（如甜酸醬、甜椒醬），將蔬菜本身嘅甜味發揮得淋漓盡致，盡顯廚師嘅心思。主菜對決：M7和牛 vs. 原隻波士頓龍蝦 🥩🦞經過精彩嘅前菜巡禮，主菜環節更令人期待。我哋分別加錢揀咗兩款重量級主菜。M7和牛後腰脊肉 (M7 Wagyu Bavette) (+$120): Bavette（牛腹脇肉）出名肉味濃郁。四成熟嘅和牛切開呈誘人嘅粉紅色，火候精準。入口肉味澎湃，富有嚼勁，越𡁻越有味。配菜亦唔馬虎，幼滑薯蓉、香氣十足嘅燴牛肝菌同焦糖洋蔥，再點上牛肉汁，完美提升咗和牛嘅風味。呢個加價絕對物有所值！原隻波士頓龍蝦 (Grilled Whole Boston Lobster) (+$220): 原隻開邊上，賣相霸氣十足。龍蝦肉質爽口彈牙，新鮮度無容置疑。調味用咗西京味噌、辣椒同青檸，味噌嘅甜成功帶出龍蝦嘅鮮，但整體驚喜唔及和牛。以$220呢個加價嚟講，雖然食到新鮮，但性價比似乎稍遜於和牛。甜蜜句號與總結 🥂最後嘅甜品係一個「甜品拼盤」，有幾款迷你蛋糕同水果，味道正正常常，不過不失，為呢餐畫上一個平穩嘅句號。順帶一提，Brunch亦有提供無限暢飲選項，無論係想小酌幾杯（+$290）定係享受無酒精飲品（+$60）都無問題。專業食評家嘅判決：總括嚟講，Watermark嘅「假日海畔早午餐」係一次超乎預期嘅體驗。好多人會問：「嚟呢度，到底係食景定食餸？」我嘅答案係：你為世界級嘅景觀而來，但會為佢充滿誠意同功架嘅食物而留下。呢度唔再只係一個「打卡餐廳」，而係一個景觀同美食互相輝映嘅地方。尤其係嗰個琳瑯滿目、充滿巧思嘅前菜陣容，已經值回票價。主菜表現穩打穩紮，和牛更加係必試之選。如果你想搵一個地方慶祝特別日子，或者純粹想喺一個無可挑剔嘅環境下，享受一頓有質素嘅美食，Watermark絕對唔會令你失望。…查看更多

我份人其實都幾悶蛋，週末最佳節目，大概就是跟朋友找個舒適的地方吃早午餐，悠悠然地渡過。如果講靚景早午餐，位處七號碼頭的Watermark，絕對在列。最近佢有新Menu，又同大家去歎下。個人認為，一心來享受悠閒的早午餐，Free Flow是不能吝嗇的。嗜酒的，加$290，紅白汽酒甚至雞尾酒啤酒暢快痛飲；不喝酒的朋友，只是$60，果汁汽水青檸梳打等非酒精飲品都是任飲，好容易回本。頭盤十一款，全部有齊，唔使選擇，當中有健康的有邪惡的，迎合不同口味之人士。喜歡的款式更可再添加，好誇張。以貝殼作盛器的，有淺漬油甘魚、帶子慕絲及烤一夜干魷魚。前兩者清新可口，後者爽脆不韌，我哋全部都有追加，質素可想而知。健康/蔬菜類選擇亦有唔少，迷你羅馬生菜沙律是大家一致讚賞，烤榔菜花及長柄西蘭花都恰如其分，有人鍾情於開心果鷹咀豆蓉，酸種麵包配紫菜牛油都好吃得要「安哥」，結論係總有幾款岩你心意。邪惡之選，必要數到烤豬腩肉，肥瘦有致，惹味又唔會太硬轟轟，的確好吃。主菜則可揀一樣，我哋當然就是選不同的，再大家分甘同味。烤原隻波士頓龍蝦是我的選擇，西京味噌調味幾岩我，龍蝦肉嫩，連埋三文魚子食口感更豐富。龍蝦鉗自然更鮮嫩甜美。有兩款牛肉菜式，分別是燴牛面頰肉，以及M7和牛後腰脊，都被我們點了。兩款都唔差，但硬要秤高低的話，我會更喜歡後者，簡簡單單，只是火侯控制得宜，就已很好。旁邊的法式薯批其實都有加分既。法國黃油雞賣相也不花巧，煎至皮香肉不嚡口，伴以羽衣甘藍及煙肉薯蓉墊底，同樣吸引。鮑魚燴飯及松葉蟹意麵，前者混入了薏米，成件事好健康；後者則是大家見慣見熟的番茄蟹肉意粉，勝在開胃。甜品係大大碟的拼盤，中間的那份並不是提拉米蘇，而是香蕉蛋糕，反而旁邊綠色的，才是抹茶提拉米蘇，有啲估佢唔到。馬卡龍配咖啡就最適合了。任何日子，任何時候，一杯黑咖啡，是錯不了的。在如斯美景下享受早午餐，三小時真係轉瞬間便會過去。…查看更多

// 𝙒𝙞𝙣𝙚 𝙋𝙖𝙞𝙧𝙞𝙣𝙜 𝘿𝙞𝙣𝙣𝙚𝙧 𝙬𝙞𝙩𝙝 𝙏𝙤𝙥-𝙉𝙤𝙩𝙘𝙝 𝘾𝙝𝙞𝙡𝙚𝙖𝙣 𝙒𝙞𝙣𝙚 𝙎𝙚𝙡𝙚𝙘𝙩𝙞𝙤𝙣𝙨 - 𝙒𝘼𝙏𝙀𝙍𝙈𝘼𝙍𝙆 🍷 //-Such a blast indulging in a beautiful range of Chilean wines from two acclaimed wineries at 𝐖𝐀𝐓𝐄𝐑𝐌𝐀𝐑𝐊’s wine pairing dinner, including Luis Felipe Edwards Winery, Chile’s largest 100% family-owned winery that founded in 1976 in Colchagua Valley, offering a wide range of high-quality and vegan-friendly wines that reflect Chile's diverse terroir; as well as Santa Carolina Winery, one of Chile's most historic and prestigious wine producers with international recognition of being ranked among the 7" World's Most Powerful Wine Brands by Wine Intelligence.-☞ 𝐖𝐨𝐫𝐥𝐝 𝐖𝐢𝐧𝐞 𝐓𝐨𝐮𝐫 - 𝐀 𝐉𝐨𝐮𝐫𝐧𝐞𝐲 𝐓𝐡𝐫𝐨𝐮𝐠𝐡 𝐂𝐡𝐢𝐥𝐞𝐚𝐧 𝐕𝐢𝐧𝐞𝐬 𝐖𝐢𝐧𝐞 𝐏𝐚𝐢𝐫𝐢𝐧𝐠 𝐃𝐢𝐧𝐧𝐞𝐫 - 𝐇𝐊$𝟖𝟖𝟖 𝐏𝐞𝐫 𝐏𝐞𝐫𝐬𝐨𝐧The exclusive wine pairing dinner starts with tempting canapés of Ceviche Spoon, Beef Cheek Cazuela Basket, and Pichanga Tart in pairing with Luis Felipe Edwards, Family Selection, Gran Reserva, Sauvignon Blanc, Chile, 2024 that boasts its herbal and ripe white fruit notes.-Followed by Smoked Fish Carpaccio as the first course, paired with Luis Felipe Edwards, Family Selection, Gran Reserva, Chardonnay, Chile, 2024 for an excellent tropical and balanced style, with notes of oak, butter, and vanilla.-Their Handmade Pasta with Tomato-based Sauce and Dark Chocolate was the highlight of the night for its unique blend of flavors; paired with Luis Felipe Edwards, LFE 900, Single Vineyard, Chile, 2019 which offers voluptuous ripe flavors with firm tannins and juicy acidity, elevating the dish for its perfect richness.-The third course of Merquen Braised Pork Cheek Infladita was paired with Santa Carolina, Reserva de Familia, Carmenère, Chile, 2021 that gives a smooth, elegant palate with juicy red berries, spices, and subtle cocoa and vanilla notes; while the final course of Herb-crusted Roasted Beef Tenderloin was complemented by Luis Felipe Edwards, Doña Bernarda, Chile, 2020 for its powerful nose of cassis and red fruit, rich and layered palate with juicy tannins, and a long, hedonistic finish, as well as Santa Carolina, Herencia, Chile, 2019 with an excellent complex profile with notes of spice, chocolate, and tobacco, making it the most flawless pairing for the night.-📍 𝐖𝐀𝐓𝐄𝐑𝐌𝐀𝐑𝐊Shop L, Central Ferry Pier No.7, Central, Hong Kong.-ᴍᴇ-ᴛᴀᴅ-ǫᴘᴡɪ-ᴡs-sᴄɴ…查看更多