Nara Thai Cuisine (港威商場)

營業中

休息中

Nara Thai 係我成日都去嘅泰國餐廳，因為水準平均。今次咁啱嚟到尖沙咀分店Lunch，貪佢有個海景位可以慢慢食。午餐menu都係百零蚊，有沙律、餐湯、主食同飲品。沙律係豬頸肉粒沙律，湯係蘑菇忌廉湯或者冬蔭功。主食叫咗一個泰式豬肉炒河同馬莎文咖喱牛腱配白飯。炒河不嬲都係Nara Thai名菜，估唔到馬莎文咖喱一樣咁高質。牛腱炆到又淋又入味。餐飲叫咗杯玫瑰泰奶茶，估唔到有驚喜，除咗好鮮艶之餘，仲好香玫瑰味，好好飲 。呢度個Menu同其他分店有少少唔同，可能痴著Lady Nara，食物有部份偏向Cafe，令選擇多咗。西泰Fusion都幾好。