星海．譽宴 (The ONE)

營業中

休息中

今次同屋企人過咗嚟The One飲茶，呢間酒樓裝修好grand ，場地好大，平時仲係婚宴場地，仲可以望住海景飲茶😍佢地既點心係自家手工制作，真材實料，所以我地都叫左幾樣試下😳星海蝦餃王：蝦餃晶凝通透，裏面滿滿嘅蝦肉，皮薄餡靚😍香煎鮮蝦腐皮卷：呢個賣相好靚啊，而且炸得非常香脆，入面有好多蝦肉，外脆內軟，非常香口👅香茜黑毛豬叉燒腸粉：呢個腸粉用咗黑毛豬嘅叉燒，食得出同平時嘅叉燒有唔同，呢個嘅叉燒特別香，好高質嘅腸粉😎迷你蝦乾珍珠雞: 呢個珍珠雞雖然唔算好大，但係佢係非常足料，入邊有埋鹹蛋黃，增加咗個口感😝日式海鮮炒稻庭烏冬：呢個烏冬竟然係用稻庭烏冬，烏冬超級彈牙，而且有好多海鮮，包括帶子，大蝦，魷魚等，烏冬甜甜地好好味🤤椰汁鮮奶燉桃膠：最後叫咗呢個甜品做結尾，甜品唔會話太甜，有好多桃膠，食完覺得好滋潤😝