影片
更多
2024-04-08
111 瀏覽
返工成日都會經過蘭桂坊，就連weekend都再踏足，不過今次就係去Aria食brunch，由1200食到1500，可以係24樓嘅餐廳，透過落地玻璃望住窗外中環鬧市以及維港景色，一邊食豐富海鮮brunch，好嘆😎餐廳嘅weekend brunch可以只選擇$628嘅自助區，有巨型龍蝦、生蠔、蟹腳等新鮮又矜貴嘅海鮮、沙律吧、火腿、芝士、甜品吧😛😛亦可以另外加數十至$200幾蚊要埋主菜，豐富至極。店員會keep住refill，keep住可以狂擦海鮮🤰🏻意式周末悠閒早午餐🦞環球海鮮冷盤龍蝦大隻到癲，夾嘅時候重到差啲夾唔起🤣🤣啖啖肉，有海水鮮味，仲要好多膏，一人啪半隻都飽咗一半😆生蠔size屬於細隻，海水味突出，口感比較爽滑，唔錯。翡翠螺同樣海水味濃😋另外仲有長腳蟹蟹腳、凍蝦、青口、酸酸咪咪嘅醃墨魚仔等，淨係食海鮮都回晒本😏😏🍖沙律吧、芝士區、餐湯沙律吧有烤焗菜式、各款唔同配搭沙律、火腿等。烤焗菜式之中，千層茄子幾好食，充滿芝士香😚😚沙律好色彩繽紛，唔少嘅配搭都幾特別，好似我至愛嘅burrata cheese搭配香甜白桃🍑火腿有幾款，油潤嘅parma ham同煙韌嘅辣肉腸都唔錯。芝士區有藍芝士，
意式周末悠閒早午餐
🦞環球海鮮冷盤
龍蝦大隻到癲，夾嘅時候重到差啲夾唔起🤣🤣啖啖肉，有海水鮮味，仲要好多膏，一人啪半隻都飽咗一半😆生蠔size屬於細隻，海水味突出，口感比較爽滑，唔錯。翡翠螺同樣海水味濃😋另外仲有長腳蟹蟹腳、凍蝦、青口、酸酸咪咪嘅醃墨魚仔等，淨係食海鮮都回晒本😏😏
🍖沙律吧、芝士區、餐湯
沙律吧有烤焗菜式、各款唔同配搭沙律、火腿等。烤焗菜式之中，千層茄子幾好食，充滿芝士香😚😚沙律好色彩繽紛，唔少嘅配搭都幾特別，好似我至愛嘅burrata cheese搭配香甜白桃🍑火腿有幾款，油潤嘅parma ham同煙韌嘅辣肉腸都唔錯。芝士區有藍芝士，可以自己係一整塊蜂巢刮啲蜜糖搭配🍯好玩😆餐湯有2款，龍蝦湯充滿龍蝦香味，估唔到又幾好飲😋
🥩意式烤澳洲西冷牛扒、烤薯、西蘭花苗
前面已經食到好飽，如果仲有空間的話就可以加錢叫main course🤪有意粉、魚柳、牛扒等選擇。牛扒烤到表面充滿炭香，肉質幾嫩，不過如果有gravy／其他醬汁搭配就會更好。
🍰甜品吧
雖然海鮮、沙律、主菜等等已經足夠填滿我個胃，但見到咁多吸引嘅意式甜品都要試吓😝Tiramisu唔少得，採用傳統做法，一大盤任你畢，味道好正宗，咖啡酒味道香濃，手指餅好moist😋😋朱古力噴泉更加係小朋友至愛，可以搭配唔同新鮮水果。檸檬批如果酸味突出一啲會更好。另外仲有雪糕🍨
🍹飲品
飲品可以揀果汁、紅白酒、汽水，如果喜歡飲酒嘅人係度食個brunch再嘆杯酒，再居高臨下望住個景色真係幾爽😎
人均消費：$840
推介指數（10分為滿分）：8分
張貼
