更多
2024-01-14
236 瀏覽
早兩日去左堅尼地城海傍放風睇下日落,散完步試下呢間位處海傍簡約而有格調嘅日式串燒居酒屋Enso Yakitori. 小店得十多二十個座位,有酒吧座同卡座. 坐低先叫兩杯酒🥂再諗下食乜,叫左yuzu rocks 同lemon rocks ,淡淡清新果香不太強烈,容易入口. Drinks list 長達三頁啱曬想把酒談心嘅朋友. 餐廳主打燒鳥🐓,雞串項目多達十數款,刁鑽如雞心雞頸雞尾都有. 🐖🐂豬牛類大概各有三至五款可供選擇唔算多不過必點款都不缺席. 另外有燒蔬菜🥒🌽🫑🥬類同埋多款沙律🥗可供健康人士考慮,不過精打細算兼肉控嘅我哋寧願叫多啲肉😂抵啲. 主食炸物熱食甜品等種類亦貴精不貴多,全部好吸引. 串燒高質美味,價錢合理,樣樣食啲一齊分享唔怕肥. #自家製免治雞肉串 免治雞肉串平時比較少見就試下,脹卜卜飽滿咬落啖啖雞肉,仲有好爽口嘅粒粒雞軟骨. 配埋個新鮮月見汁,味道層次更豐富. #厚切牛舌 雖然餐廳主打食雞,呢道牛舌絕對交足功課,媲美專門店質素. 肉地厚得嚟肉質爽口內裡軟熟. #黑豚五花腩 厚厚脂肪燒得偏乾身,食落肥而不膩. 兩個熱食估唔到好有驚喜❤️🤩必須回頭. #宮崎黑䐁肉腸 😍賣相精
早兩日去左堅尼地城海傍放風睇下日落,散完步試下呢間位處海傍簡約而有格調嘅日式串燒居酒屋Enso Yakitori. 小店得十多二十個座位,有酒吧座同卡座. 坐低先叫兩杯酒🥂再諗下食乜,叫左yuzu rocks 同lemon rocks ,淡淡清新果香不太強烈,容易入口. Drinks list 長達三頁啱曬想把酒談心嘅朋友.
餐廳主打燒鳥🐓,雞串項目多達十數款,刁鑽如雞心雞頸雞尾都有. 🐖🐂豬牛類大概各有三至五款可供選擇唔算多不過必點款都不缺席. 另外有燒蔬菜🥒🌽🫑🥬類同埋多款沙律🥗可供健康人士考慮,不過精打細算兼肉控嘅我哋寧願叫多啲肉😂抵啲. 主食炸物熱食甜品等種類亦貴精不貴多,全部好吸引.
串燒高質美味,價錢合理,樣樣食啲一齊分享唔怕肥.
#自家製免治雞肉串 免治雞肉串平時比較少見就試下,脹卜卜飽滿咬落啖啖雞肉,仲有好爽口嘅粒粒雞軟骨. 配埋個新鮮月見汁,味道層次更豐富.
#厚切牛舌 雖然餐廳主打食雞,呢道牛舌絕對交足功課,媲美專門店質素. 肉地厚得嚟肉質爽口內裡軟熟.
#黑豚五花腩
厚厚脂肪燒得偏乾身,食落肥而不膩.
兩個熱食估唔到好有驚喜❤️🤩必須回頭.
#宮崎黑䐁肉腸 😍賣相精美,皮脆肉嫰鎖緊肉汁唔會乾,唔特別鍾意食腸嘅我都覺得好好食.
#蒲燒鰻魚 😍外皮燒得焦香脆口平時真係少啲食到,鰻魚好嫩滑,配上香濃蒲燒汁同爽脆紫菜好惹味,伴碟沙律清新偶爾中和一下.
主食必點#明太子飯團
外層帶香口飯焦,咬開熱辣辣內藏軟綿綿米飯,出曬煙,簡單小確幸.
除左regular menu 外,店員亦會奉上off menu每日特色,大概有十款左右咩種類都有啲.今次就試左其中兩款,都合符預期.
#羊腿串 肉質結實好咬口,羶香而不腥.
#生蠔北河燒 蛋黃醬酸味較重,蠔唔算大隻偏實身.
兩個人埋單七百蚊左右,價格合理質量環境取勝. 食飽飽又可以搭下叮叮遊下車河,幾寫意,平日夜晚附近靜靜地遠離煩囂散心極佳.
張貼