影片
更多
2025-05-19
63 瀏覽
🥢難得中學同學星期六有假放，我又約咗佢去旺角食晏同傾心事，今次我哋食韓國菜，真係幾有驚喜，睇餐牌菜式都標榜係韓國人自製。🥢我哋叫咗半份炸雞，$138，試左香蒜蜜糖味。好彩叫半份，份量唔係少，炸雞炸得都幾鬆脆，蒜香味好濃好香，仲淋咗啲蜂蜜🍯，真係超好味。薯條🍟同薯格新鮮出爐熱辣脆口，真係要趁熱食，唔係就會腍。🥢再黎我哋叫咗炭豚紫菜飯卷，$98。總共有10件，睇落都係啲普通韓式飯卷，但入面材料都幾豐富，豚肉醃得好好味，加埋啲蔬菜配料好夾又飽肚。🥢我同中同都好鍾意呢個韓式烤牛肉，$198。牛肉烤過特別出味，用金菇黎墊底，吸收晒牛肉嘅味道，另外仲有好多件韓國年糕、少少青瓜🥒、辣椒片。我地加左份生菜🥬，食法係將生菜包住烤牛肉、金菇、年糕，再落辣椒片、蒜片、包飯醬等等黎食，真係超正😋🍹最後野飲我叫咗蜂蜜米酒，$38，蜂蜜嘅甜味加少少米酒香，都係第一次飲，酒精濃度輕微，女士們一定會愛上。🍹朋友叫咗西柚梳打，$48，橙紅色嘅西柚令到成杯嘢飲賣相好靚，甜度適中，凍飲最啱而家又焗又熱嘅天氣。📸食完嘢門口仲有部即影即有相機，同朋友食完野就玩下，撳掣等3秒就影到相。最後職員仲俾咗兩張抽獎卡我哋填，希望抽倒去韓
🥢我哋叫咗半份炸雞，$138，試左香蒜蜜糖味。好彩叫半份，份量唔係少，炸雞炸得都幾鬆脆，蒜香味好濃好香，仲淋咗啲蜂蜜🍯，真係超好味。薯條🍟同薯格新鮮出爐熱辣脆口，真係要趁熱食，唔係就會腍。
🥢再黎我哋叫咗炭豚紫菜飯卷，$98。總共有10件，睇落都係啲普通韓式飯卷，但入面材料都幾豐富，豚肉醃得好好味，加埋啲蔬菜配料好夾又飽肚。
🥢我同中同都好鍾意呢個韓式烤牛肉，$198。牛肉烤過特別出味，用金菇黎墊底，吸收晒牛肉嘅味道，另外仲有好多件韓國年糕、少少青瓜🥒、辣椒片。我地加左份生菜🥬，食法係將生菜包住烤牛肉、金菇、年糕，再落辣椒片、蒜片、包飯醬等等黎食，真係超正😋
🍹最後野飲我叫咗蜂蜜米酒，$38，蜂蜜嘅甜味加少少米酒香，都係第一次飲，酒精濃度輕微，女士們一定會愛上。
🍹朋友叫咗西柚梳打，$48，橙紅色嘅西柚令到成杯嘢飲賣相好靚，甜度適中，凍飲最啱而家又焗又熱嘅天氣。
📸食完嘢門口仲有部即影即有相機，同朋友食完野就玩下，撳掣等3秒就影到相。最後職員仲俾咗兩張抽獎卡我哋填，希望抽倒去韓國機票啦😍有得食，又有得玩仲有得抽獎，呢餐真滿足👍🏼
張貼
