影片
更多
2023-04-30
340 瀏覽
🐟Honjokko 🔎鰂魚涌英皇道979號太古坊濠豐大厦2樓The Sixteenth-----
鰂魚涌寫字樓堆內，有一條神秘嘅扶手電梯（於Oxford house隔離），搭上去就會見到大大個牌面寫住“The sixteenth”，“The sixteenth”內有4間高級餐廳，全屬Pirata group旗下，識飲識食嘅朋友仔應該對呢個集團唔陌生，人氣意大利餐廳Pici亦屬佢地嘅品牌。.作為Pirata group嘅big fan，係出Bonus嘅大日子，就黎咗之前未食過嘅呢一間Honjokko犒賞一下努力工作嘅自己🤣。.Honjokko主打日式Fusions菜，一如Pirata group旗下嘅其他餐廳，裝修華麗富格調，一檯一櫈都散發高端感。佢地有人均$680同$880兩款嘅Tasting Menus，亦都可以散叫，視乎客人喜好。🥢Edamame (v) 枝豆以海鹽調味，飽滿脆口，簡單嘅餐前小食，佐酒不錯。🥢Spinach (v)造型像個精緻的小柱子，其實是用菠菜卷成的，輔以大量濃郁白芝麻醬汁及芥末籽提味，清爽冰凍。🥢Hamachi片片油甘魚輕輕以柚子醬油及醃梅子調味，酸甜並重，質
🔎鰂魚涌英皇道979號太古坊濠豐大厦2樓The Sixteenth
----- 鰂魚涌寫字樓堆內，有一條神秘嘅扶手電梯（於Oxford house隔離），搭上去就會見到大大個牌面寫住“The sixteenth”，“The sixteenth”內有4間高級餐廳，全屬Pirata group旗下，識飲識食嘅朋友仔應該對呢個集團唔陌生，人氣意大利餐廳Pici亦屬佢地嘅品牌。
.
作為Pirata group嘅big fan，係出Bonus嘅大日子，就黎咗之前未食過嘅呢一間Honjokko犒賞一下努力工作嘅自己🤣。
.
Honjokko主打日式Fusions菜，一如Pirata group旗下嘅其他餐廳，裝修華麗富格調，一檯一櫈都散發高端感。佢地有人均$680同$880兩款嘅Tasting Menus，亦都可以散叫，視乎客人喜好。
🥢Edamame (v)
枝豆以海鹽調味，飽滿脆口，簡單嘅餐前小食，佐酒不錯。
🥢Spinach (v)
造型像個精緻的小柱子，其實是用菠菜卷成的，輔以大量濃郁白芝麻醬汁及芥末籽提味，清爽冰凍。
🥢Hamachi
片片油甘魚輕輕以柚子醬油及醃梅子調味，酸甜並重，質感柔嫩，頗開胃。
🥢Madai trufile
呢款係個人最喜愛嘅前菜，材料多元有新意，酸甜車厘茄、清新三葉（日本芹菜）及日本芽蔥，和鵪鶉蛋黃等等，配搭鯛魚及服務員即場刨上的黑松露碎碎，口感柔滑，味道鮮甜。
🥢Sashimi platter
✨Hotate （Sea scallop）
✨Uni -（Sea urchin）
✨Bluefin chu-toro（Semi-fatty tuna）
北海道帶子爽甜、拖羅魚脂豐腴，但最愛還要數令人一口下去便是鮮甜四湧的高質海膽。
🥢Honjokko otoro
呢款菜餚令人視覺、味覺、嗅覺都得到享受，以煙燻形式呈上，靚之餘亦令整個壽司卷味道更富辨認度。大拖羅嘅上層以粒粒黑魚子、海膽及金箔作點綴，而下層則是飽滿米粒、拖羅蓉及紫蘇葉，鮮味滿瀉。
🥢Sea bass saikyoyaki
經典嘅西京燒調味，用上新鮮嘅Sea bass，魚皮紙薄香脆，魚肉魚油充裕，濕潤柔嫩，高質。
🥢Robata pork belly
長方形狀嘅豬腩肉條，貌相一流，食落亦令人印象深刻。豬肉帶肉脂香氣，但卻不過於肥膩，能做到食完一整條仍令人意猶未盡，需歸功於佢地用上蜂蜜柚子醋汁及柚子蘿蔔作配搭。
🥢Mizuna salad
係Robata pork belly的絕配。材料有柚子、炸蔥及日本蔬菜等等，清爽解膩。
🥢Black sesame crème brûlée
濃郁到極致嘅法式黑芝麻焦糖燉蛋，澎湃芝麻香氣，加上香甜紅豆，及焦糖海鹽雪糕，幼滑香甜，層次豐富，外貌亦是非常iGable。
張貼
