LAB EAT Restaurant & Bar (金巴利道)

營業中

休息中

今日老公同我補返母親節嘅一餐飯，屬於兩老嘅浪漫時光，啊仔推薦呢一間位於尖沙咀嘅西餐廳。餐廳都有提供二人餐嘅選擇，不過最後都係選擇咗自己揀，食啲想食嘅嘢好過！前菜梗係有生蠔，每人兩隻！法國生蠔比較細隻但係味道絕對唔輸蝕，礦物味唔算好重身，相對易入口。小食方面點左油封法國鵪鶉脾，一嚟自己屋企好少煮，二來店員大推就試下啦。果然冇令我失望，食落啖啖肉，調味有一小樽嘅橘子醬，酸酸甜甜一解油膩。煮食方面都係一扒一意粉，牛扒點左Prime嘅肉眼，脂肪比例都幾適中，而且好易咬，五成熟做得唔錯，旁邊有粗鹽同芥末醬，拌菜嘅舞茸菇味道好香盛，菇菌味重。意粉方面叫咗一個卡邦尼，奶香味遠遠比芝士味嚟得得重，肉粒取代煙肉嘅地位，所帶來嘅香口亦都令菜式昇華。最後，仲嗌左2杯白酒，慢慢享受呢個浪漫時刻。