Odelice! (The ONE)

期待已久， 今晚食法國菜， 非常就腳就喺尖沙咀the one。餐廳好有情調，洋溢著歐陸氣氛， 好掛住巴黎鐵塔ar，掛着唔少壁畫， 望出窗仲有少少景睇，坐得舒服。先來兩杯白酒白酒好易入口，好香醇，一陣配魚和海鮮最啱不過。OMNI新鮮肉丸植物肉丸配香辣地中海醬汁， 見好多宣傳推植物肉， 今次真真正正食到，感覺同普通肉丸分別不大， 味道都幾濃，唔講唔知自己唔係食緊肉。新鮮大蜆鍋雖然蜆唔算好大隻，勝在 醬汁好味， 蘋果白蘭地忌廉汁， 襯托出蜆肉的鮮味。煎封盲曹魚有菠菜青豆蓉托底，配蒜香沙律醬同番紅花忌廉汁， 感覺幾特別， 而盲曹魚外皮煎得脆脆的， 肉質嫩滑， 感覺唔錯。法式風味漢堡配番薯條用咗安格斯牛漢堡加上芝士， 用咗焦糖甜洋蔥同爽脆生菜嚟墊底。 而薯條亦都係即炸，新鮮出爐。火焰橙酒可麗餅上枱時好有氣勢，店員喺我哋面前加燈酒， 加咗啲火焰好靚， 甜甜的可麗餅配雲呢拿雪糕，最啱不過。