影片
更多
2023-05-08
45 瀏覽
呢間高級法國餐廳嘅環境充滿法式格調，優雅又尊貴，仲有幾分浪漫情懷，係慶祝紀念日嘅首選。今次嚟到咁啱5月份推出咗全新5-Course Set Menu，店員唔單止詳盡介紹每一款菜式，而且服務貼心又周到，用餐體驗很愉快！Entrée Le Cigar和牛他他用脆餅卷住，再加上金箔同三文魚子作裝飾，外型似足一條雪茄，食落外脆內嫩，有層次。La Boite原個禮盒上枱配有專用嘅開瓶器同匙羹，顯得特別矜貴。翻開魚子醬盒後，見到滿滿嘅魚子醬鋪喺奶酪上，底下仲有帶子刺身。鮮甜嘅帶子配上順滑嘅奶酪同魚子醬嘅鹹香份外匹配。Pre-Main食主菜之前有一份風乾火腿意大利飯，火腿嘅油脂融化咗落個飯度，香濃又惹味。MainLe Rouget店員介紹話依款魚係法國獨有而且由法國新鮮運嚟嘅，食落鮮嫩無比，底下有普羅旺斯燉菜同酥皮，酸酸地幾開胃。Le Ravioli店員喺上枱之後會另外淋上用龍蝦殼同膏熬製嘅湯汁，味道非常濃郁，大大粒嘅意大利雲吞入面包咗龍蝦，肉質彈牙，口感一流。Pre-Dessert食甜品前會有一杯香檳加上雪芭同檸檬，飲落非常清新，可以refresh 個味蕾。DessertLe Rhum Baba法
Entrée
Le Cigar
和牛他他用脆餅卷住，再加上金箔同三文魚子作裝飾，外型似足一條雪茄，食落外脆內嫩，有層次。
La Boite
原個禮盒上枱配有專用嘅開瓶器同匙羹，顯得特別矜貴。翻開魚子醬盒後，見到滿滿嘅魚子醬鋪喺奶酪上，底下仲有帶子刺身。鮮甜嘅帶子配上順滑嘅奶酪同魚子醬嘅鹹香份外匹配。
Pre-Main
食主菜之前有一份風乾火腿意大利飯，火腿嘅油脂融化咗落個飯度，香濃又惹味。
Main
Le Rouget
店員介紹話依款魚係法國獨有而且由法國新鮮運嚟嘅，食落鮮嫩無比，底下有普羅旺斯燉菜同酥皮，酸酸地幾開胃。
Le Ravioli
店員喺上枱之後會另外淋上用龍蝦殼同膏熬製嘅湯汁，味道非常濃郁，大大粒嘅意大利雲吞入面包咗龍蝦，肉質彈牙，口感一流。
Pre-Dessert
食甜品前會有一杯香檳加上雪芭同檸檬，飲落非常清新，可以refresh 個味蕾。
Dessert
Le Rhum Baba
法國嘅一款傳統甜品，海綿蛋糕加上朗姆酒，酒味香醇，混合後海綿蛋糕變得入口即化，再加上酸酸甜甜嘅菠蘿粒，以上嘅合襯，非常有驚喜。
Les Crepes Mademoiselle
店員會喺即場烹調，將可麗餅加上橙酒後再點火，效果令人驚艷，絕對係要「相機食先」！
餐廳出名嘅仲有各款Dry aged肉類，下次一定會再嚟試過！
張貼
