影片
更多
2023-01-30
396 瀏覽
餐廳喺尖沙咀嘅香港藝術館入面，窗外嘅係維港景色，飽覽住世界知名嘅美麗夜景享受美食，真係非常浪漫、愜意。店員先送上Sourdough，係一款酸種麵包，帶少少酸味，牛油上面一點點黑色嘅係黑蒜鹽。我哋叫咗cocktail、mocktail各一，原來係由調酒師席前調製，餐廳都幾著重食客嘅體驗喎～今日食嘅係3 course set，包括前菜、主菜、甜品。【香煎帶子】配松露酸豆醬，帶子大大隻，鮮甜之餘亦嚐到煎出嚟嘅香口。上面有少少爆谷碎帶出少少crispy口感，側邊仲有少少忌廉粟米。【生蠔(3隻)】食生蠔如果想加少少酸味，一般會落檸檬汁。呢度就用咗蕃茄仔，食落酸中帶少少甜，令到回甘嘅味道更特別。【西班牙黑毛豬肋眼】豬肉係來自乳豬，輕輕力就可以切開，肉質特別幼滑，肉味鮮甜，上面有菠蘿莎莎帶出juicy嘅酸甜味，開胃又解膩。配菜中有塊類似豬皮嘅物體原來真係豬皮嚟，估唔到西餐竟然有豬皮食嘛～【牛面頰肉】配和牛燒汁，臉頰肉特別嫩，用叉就可以食到。每一啖都係非常濃郁嘅肉味。上面白色粒狀嘅係牛骨髓，配菜有鹽焗蘿蔔· 椰菜花苗，營養balance～【蛋白蛋糕】甜甜嘅蛋白霜灑上紅莓粉，裡面有custard cre
店員先送上Sourdough，係一款酸種麵包，帶少少酸味，牛油上面一點點黑色嘅係黑蒜鹽。
我哋叫咗cocktail、mocktail各一，原來係由調酒師席前調製，餐廳都幾著重食客嘅體驗喎～
今日食嘅係3 course set，包括前菜、主菜、甜品。
【香煎帶子】配松露酸豆醬，帶子大大隻，鮮甜之餘亦嚐到煎出嚟嘅香口。上面有少少爆谷碎帶出少少crispy口感，側邊仲有少少忌廉粟米。
【生蠔(3隻)】食生蠔如果想加少少酸味，一般會落檸檬汁。呢度就用咗蕃茄仔，食落酸中帶少少甜，令到回甘嘅味道更特別。
【西班牙黑毛豬肋眼】豬肉係來自乳豬，輕輕力就可以切開，肉質特別幼滑，肉味鮮甜，上面有菠蘿莎莎帶出juicy嘅酸甜味，開胃又解膩。配菜中有塊類似豬皮嘅物體原來真係豬皮嚟，估唔到西餐竟然有豬皮食嘛～
【牛面頰肉】配和牛燒汁，臉頰肉特別嫩，用叉就可以食到。每一啖都係非常濃郁嘅肉味。上面白色粒狀嘅係牛骨髓，配菜有鹽焗蘿蔔· 椰菜花苗，營養balance～
【蛋白蛋糕】甜甜嘅蛋白霜灑上紅莓粉，裡面有custard cream增加軟滑creamy口感；berries嘅酸味去平衡返蛋白霜嘅甜，創意十足。
【香蕉拖肥蛋糕】香蕉蛋糕上面係一增榛果朱古力、味噌焦糖，仲有香蕉肉。甜度較濃幾邪惡但幾好食～
每一道菜都睇得出係用心機加去設計、選料，不甘平凡創出美味，同藝術精神如出一轍，真係要俾個Like～
張貼
