新桂香燒臘

營業中

休息中

慕名而來試一下他的馳名叉燒。 和太太老遠的來試一下所謂柴灣最好食的燒味店， 當然第一次來到就要食佢最出名的肥叉燒飯啦，太太就叫了肥叉燒燒肉飯。店舖細小堂食的位置只有那兩枱，要坐出街的還有兩枱， 侍應生服務就不要多提了， 一般就是一般， 等咗五分鐘就上菜了， 唉我已唔使影相了， 所謂的肥叉燒根本就唔係肥， 咬落去有點硬而且有啲柴皮， 都唔知係咪佢畀錯啲瘦叉燒。我太太的肥叉燒燒肉飯可能會好一點啩， 首先叉燒有一些肥的， 但太太話一樣好硬好鞋， 至於舊燒肉就應該好脆， 但 太太話係因為塊皮好硬所以才覺得脆， 我也是了一嚿燒肉果然真的皮很硬。整體而言這間柴灣最好食最出名的燒味店， 可以話係浪得虛名名不符實又貴又唔好食， 除咗又鞋又硬 之外， 叉燒的味道跟其他燒臘店的都差不多完全沒有驚喜， 燒肉是比較鹹的， 價錢也收得超級貴， 原本以為試過之後希望好食就會買些少叉燒回家， 但而家可以慳番。 食物質素差， 服務質素一般， 食物味道一般， 價錢收費極之貴。 整體評語做過一次傻仔下次一定唔會返轉頭， 提醒各位食家不要單靠信傳媒的吹噓， 或者網站上打手的評語， 食過就知中招了。