韓泰太

營業中

休息中

今次去流浮山一間餐廳打卡，一去到餐廳比佢個外牆吸引住，個外牆畫咗個希臘女神，好有藝術氣息，而且室內以藍白色為主，配以古典風嘅擺設，打卡一流。餐廳用咗古法窯燒雞，佢哋會將隻雞放入瓦缸到烤，所以啲雞皮食落好脆，肉質好嫩滑，食落去仲好多汁，另外仲有任食韓烤、雪糕同任飲汽水添。每款肉有三種味道選擇，泰式風味、韓式原味同惹味BBQ，可以迎合唔同人嘅口味，而且啲汽水係玻璃樽裝，好耐冇飲過玻璃樽裝嘅汽水，有可樂、忌廉、芬達同梳打水選擇。