大西洋海鮮火鍋

營業中

休息中

最近有間即撈海鮮重慶火鍋放題店登陸北角，兩小時享用任食生猛海鮮，包括蟹、鮑魚、蝦、沙白等，仲有多款重慶特色火鍋配料同小食供應，如黑毛肚、鮮鵝腸、豬黃喉、腰花、豬腦，香港火鍋店好少有。大力推介海蝦，新鮮，鮮甜，若唔想煮嘅亦有已烹調好嘅蝦放咗喺自助區，惹味十足，越食越上癮。QR code落單，日本和牛、墨魚仔、生蠔、蝦滑、鯧魚、墨魚片、紅杉魚等，唔會漏單且上枱速度快！相比之下個人最鍾意虎皮鳳爪，飲茶就食得多，火鍋配料真係第一次，肉骨分粒，超級入味，食食吓食吓都食咗10隻😂 自助區提供蔬菜、丸類、前菜、小食，生菜吸滿湯汁，鮮嫩可口、水果款式多，又甜又爆汁、烤榴槤、小酥肉、紅糖糍粑、香芋丸、炒飯、小龍蝦，海鮮未熟嘅時候食就唔會浪費時間，最後記得留肚食埋雪糕、泡芙同糯米糍，無論係地點、價格、裝潢、服務態度都唔錯，適合同朋友仔過嚟聚餐Happy一下。