影片
更多
2025-04-28
0 瀏覽
同老公成日去沙田，所以都經常幫襯！新城市三期隱世泰國餐廳～地點就腳，經常順便係新城市行下街就可以直接去，哩間餐廳一坐低就會送籃脆卜卜蝦片，等上菜時唔使齋睇手機～ 同埋唔使餓住等菜到，同埋風味都好夾！✨我地因為得兩個人，平時會食：1️⃣ 生蝦刺身 $148 蝦肉彈牙得來帶甜味，辣汁唔會嗆喉，最正係跟埋炸蒜片同苦瓜片，口感層次多過平時食開嘅泰國餐廳。 同埋最緊要係新鮮～哩個好重要2️⃣ 黃咖喱軟殼蟹 $198 真心味道濃郁！軟殼蟹炸得鬆化唔油，咖喱汁椰香濃得嚟帶少少甜，同埋好多蟹膏～我老公仲攞蝦片蘸住食3️⃣ 燒豬頸肉 $128炭燒香夠惹味，哩個真係好食，細脆架啲肉說老實，平時好怕豬頸肉因為望咗好多網上流傳恐怖照片，但係哩個ok，而且食落去唔會覺得好熱氣用肥膩4️⃣ 芒果糯米飯 $88好細心個椰漿可以係熱住上，所以係暖既甜品。而且芒果算甜，唔當造都有甜芒果，算唔錯5️⃣椰子雞湯 $128哩個我最愛～湯底好得意，帶有椰子味，但係base係冬陰功既style同辣，啲肉量都好多！我食完覺得蛋白質好夠我飲咗3碗🌟加分位： - 卡位夠闊落，我哋兩個人坐四人枱都唔逼 - 椰子冰沙真材實料飲到椰肉碎 （我老公
✨我地因為得兩個人，平時會食：
1️⃣ 生蝦刺身 $148
蝦肉彈牙得來帶甜味，辣汁唔會嗆喉，最正係跟埋炸蒜片同苦瓜片，口感層次多過平時食開嘅泰國餐廳。 同埋最緊要係新鮮～哩個好重要
2️⃣ 黃咖喱軟殼蟹 $198
真心味道濃郁！軟殼蟹炸得鬆化唔油，咖喱汁椰香濃得嚟帶少少甜，同埋好多蟹膏～我老公仲攞蝦片蘸住食
3️⃣ 燒豬頸肉 $128
炭燒香夠惹味，哩個真係好食，細脆架啲肉
說老實，平時好怕豬頸肉因為望咗好多網上流傳恐怖照片，但係哩個ok，而且食落去唔會覺得好熱氣用肥膩
4️⃣ 芒果糯米飯 $88
好細心個椰漿可以係熱住上，所以係暖既甜品。而且芒果算甜，唔當造都有甜芒果，算唔錯
5️⃣椰子雞湯 $128
哩個我最愛～湯底好得意，帶有椰子味，但係base係冬陰功既style同辣，啲肉量都好多！我食完覺得蛋白質好夠我飲咗3碗
🌟加分位：
- 卡位夠闊落，我哋兩個人坐四人枱都唔逼
- 椰子冰沙真材實料飲到椰肉碎 （我老公嗌既）
小插曲：當日見到隔離枱一家大細叫咗個魚，聞到超香！但係我地兩公婆已經食唔到咁多，下次一定會再試～ 埋單仲有時間行下附近超市消化下！不過我地埋單之後就開始多人了，可能因為開始入晚市
張貼