泰中意 (已搬遷) 新店位置

朋友話最近食過一間好好食嘅泰國餐廳想帶我嚟食，琴日終於試到😍真係唔錯，急不及待要分享。朋友話燒牛舌係必點👍🏻果然真係！性價比極高，每一塊都係厚切，咬落爽口彈牙，好滿足。我哋見呢度啲燒物幾有水準，即刻再叫泰式燒牛肉🤩牛肉生熟度啱啱好，肉質依然粉嫩，外面少少焦香，另外我幾鍾意個醬汁，夠辣🔥我哋唔係太肚餓，食埋柚子蝦球沙律就差唔多，冇諗過咁大碟，蝦球同柚子嘅份量好足，每一口都食到泰式酸甜汁😜好fresh。餐廳地方唔大，但唔會覺得逼夾，乾淨企理👍🏻值得二訪