泰金鍋

營業中

休息中

泰國風味火鍋結合我都係第一次試，環境坐得舒服。無論係朋友聚餐定家庭晚飯，呢度都係一個值得嘗試嘅地方。  ✨火鍋特色餐廳主打火鍋放題，揀咗前菜風生水起秘撈雞，如果你唔想食辣，呢款手撕雞入味又juicy係一個好選擇。Set B 澳洲產下肩胛肉眼餐，牛肉切片厚薄適中，煮後嫩滑多汁，充滿牛味。配埋膠原豬骨湯底，更帶出肉類嘅鮮味，食得非常滿足。  🍤釣蝦池與甜品區釣蝦池係餐廳一大亮點，食客可以親自釣蝦，過程趣味十足，為用餐增添互動感，而釣到嘅蝦仲可以即刻煮來享用，鮮味無得輸！甜品區亦唔失禮，特設綿綿冰機，清爽解膩，係火鍋後嘅完美甜點。  🕗貼心優惠餐廳提供多項優惠，晚上8點後入座享9折，9點後更有8折，而火鍋放題每4位仲送1位，非常適合一班朋友一齊嚟大快朵頤！仲有估泰文遊戲，答中即減$10，增添用餐樂趣，同時亦有種親切感。  🍽️用餐環境店內裝修以泰式元素為主，簡約又不失異國風情，空間感十足，座位安排舒適，係一個適合傾偈同慢慢享受火鍋嘅地方。