泰 (瓊華中心)

營業中

休息中

同朋友慶祝生日，而且好耐無食泰國菜，獠起條筋突然好想食吖，就同朋友隨便揾左間食。2個人最好就是2人餐，唔使煩啦~當然要揀最愛既冬陰公湯，2隻大蝦，肉質彈牙，湯酸酸辣辣好開胃。串燒就揀左豬同牛，豬肉爽口而牛肉腍滑，配上惹味既沙爹醬，回味無窮。今次仲叫平時好少食既原條青檸明爐烏頭魚，魚肉嫩滑而且仲勁多肉。仲叫左炭燒豬頸肉同泰式炒雜菜，炒雜菜有多款蔬菜，火候岩岩好~豬頸肉外層燒得香脆有咬口，但肉質偏乾唔夠肥美。甜品就叫左朋友至愛~榴槤麻糬，價錢唔貴。麻糬皮簿仲有勁多榴槤肉。