泰斗

營業中

休息中

我哋係第一台客，嗌咗生蝦，柚子沙律,咖哩雜菜，蒜蓉包，薄餅,胡椒炒蜆，明爐冬陰公魚，諗住要個椰子菠蘿慕絲蛋糕冇貸轉咗個芒果慕絲蛋糕，燒蠔冇貸，燒鱔冇貸，總共八樣大約5至6分鐘已經上咗6樣，一個字快，最正係個柚子沙律最有味，其他全部都好淡（泰國嘢唔係濃味嘅咩？），個咖哩雜菜真係雜菜啲咖哩水汪汪又冇咩咖哩味，個胡椒炒蜆仲衰啲蜆同啲蜆肉數目都唔同，最後得返個明爐魚同個蛋糕，明明同咗佢講蛋糕最後先上，佢就上咗我仲以為佢落漏過冬陰功魚，點知走埋嚟同我講仲有個冬陰功魚，我話唔要得唔得佢話整咗，我都算叫佢上埋，原來佢所謂嘅整咗就係條魚半生熟都唔係，我都知有啲泰國菜係半山熟上有啲就全熟上咁就唔好同我講話整咗，蛋糕更加唔想講，食完最多得七成飽，收1058，我比1100正常找42蚊，一張廿蚊紙其他全部散銀，咁大間舖頭紙幣都冇？定係想我畀多啲貼士，總結就係，快，淡，渣，叉，真係要畀分十分我諗得五分，因為有得影下相，同埋個柚子沙律ok