泰斗

營業中

休息中

今日去完元朗行山，加上天氣好熱想食開胃泰菜，就順便去bookmark 左一段時間的呢間餐廳。一入餐廳空間感幾好，樓底夠高裝修都好有泰式style，枱與枱之間又唔會覺得迫。餐牌都好多款唔同泰菜，新派fusion 泰菜都有好多選擇。柚子沙律 $108柚子肉好大粒，夠水潤又甜，佢個調味做得好好，香料味夠得黎又唔會過濃，加埋啲香脆嘅腰果粒，更加有口感。泰式燒豬頸肉 $128燒得好香口，又夠爽，點埋佢個辣辣地嘅汁真係幾夾。泰式燒老虎蝦（兩隻）$168一拎上枱就已經聞到好香嘅炭燒味，老虎蝦大大隻，職員好細心比定手套同埋濕紙巾我哋；食得出係新鮮蝦，因為啲蝦肉好爽口彈牙，蝦頭仲會有啲膏，推介。鹽燒馬友 $248一打開個魚皮，啲魚嘅鮮味出晒嚟，魚肉好嫩滑，我平時好怕食到好腥的魚，呢個一啲腥味都冇。手搖香芒檸檬變態紅茶 （加大）$73 甜甜的芒果味再加上好香濃檸檬嘅紅茶底，撞埋一齊真係好適合夏天飲，好解渴仲要大大杯。金柚香芒沙冰 $78有唔少嘅香甜柚子肉粒，芒果沙冰又夠透心涼。甜品點可以唔叫芒果糯米飯，佢係用咗三色飯，有蝶豆花糯米飯，普通糯米飯，同埋斑斕糯米飯，飯粒夠煙靭粒粒分明，個椰汁就甜咗少少，但佢個

元朗泰斗元朗大樹下東路633號餐廳門口可以泊車，夠哂方便，餐廳面積非常大，門口仲有好多打卡位，啱晒情侶過來，室外非常寬敞，綠色植物為主題，坐得非常舒服，菜式應有盡有明爐魚$228熱辣辣完條大魚上枱，size非常大，魚肉吸滿湯汁嘅味道，酸酸辣辣，越食越開胃，肉質嫩滑，旁邊仲有啲熱辣辣嘅湯，可以慢慢加入去，湯底入邊好多配菜，有大量嘅薑絲同芹菜，加蔥花肉碎同埋菇類，連埋啲魚肉一齊食夠晒惹味，喜歡這道菜有肉又有湯柚子沙律$98一道清新可口的菜，用泰國柚子肉酸甜適中，果肉鮮嫩多汁，加入一些堅果、蝦米加入自己調製的醬汁，開胃醒神，甜甜酸酸嘅味道火焰新派老虎蝦$328大大隻老虎蝦（4隻），非常大隻，啖啖肉，蝦頭仲好多膏，一小杯烈酒點火，再淋上面，很漂亮的火焰蝦，老虎蝦肉質鮮甜，爽口彈牙，蝦頭的蝦膏甘香，並用上冬陰功做醬汁，很特別蠔仔肉碎豆腐湯$138材料很豐富，有蠔仔、肉碎、豆腐、雜菇、粉絲等，粉絲給收了湯底，很入味，湯底清甜，蠔仔也很肥美可口，大約有十多隻蠔仔，一路用火爐煲住入口，熱辣辣，又夠暖胃椰汁紅豆冰$42濃郁的椰香和甜美的紅豆，香滑口感與紅豆的軟糯，好味,又唔會太甜，奶味濃郁椰汁冰$42純

聽講元朗有一間擁有秘密花園嘅泰國餐廳，今次趁放假就過咗來食飯同打卡！餐廳空間感十足之餘，室內嘅座位有唔同嘅植物做點綴，室外仲有啲好夢幻嘅打卡位添～✨招牌沙律三步曲可以一次過滿足哂三個願望！有青芒絲沙律配燒北海道帶子、炸軟殼蟹柚子沙律同埋木瓜蝦沙律，三款都味道酸酸甜甜，令人好開胃～✨汁燒安格斯牛小排安格斯牛小排肉質軟嫩，表面仲帶有微微嘅焦香，散發住誘人嘅香氣～✨生菜包用脆嫩嘅生菜包住充滿泰式香味嘅豬肉碎，感覺清爽又唔會油膩～✨串燒沙嗲牛(2串)牛肉串燒肉香四溢，配搭濃郁嘅沙嗲醬，味道一流～✨泰式香葉肉碎炒飯味道微辣有鑊氣，令人忍唔住食哂成個炒飯～✨泰斗暴打變泰檸檬茶除咗新鮮嘅檸檬香味之外，茶底仲多咗一種獨特嘅泰式風味，好特別～✨泰斗三檸七喜用咗桔仔、青檸同埋檸檬，七喜嘅甜味同氣泡令到成杯飲品更加清新清爽～另外，店員嘅服務態度超親切，值得一讚！👍🏻餐廳亦有提供埋多個車位比客人免費泊車，雖然位置比較隱世，但專程過來食飯同打卡都非常值得～

晚飯食咩好？泰斗真心值得試！今日誤打誤撞同朋友入咗嚟食晚飯，勁開心同enjoy嘅一天呢度有泰服可以換、消費滿500亦都有銀仔俾你玩公仔機😂 幸福之神降臨、四個幣夾到2飯公仔！鯊魚貓同埋熊貓Melody😆😆開心🩷拾回童真嘅感覺😹辣椒膏炒老虎蝦 呢個虎蝦不得了！老虎蝦鮮嫩多汁、蝦身大隻啖啖蝦肉蝦，辣椒膏勁香，呢個實在惹味😋個醬汁真係好好食，所以再點咗多個薄餅配醬汁，好正泰式豬頸肉食泰菜每次都會點呢個、呢個啲泰式醬汁微辣調出豬頸肉香味，好惹味豬頸肉外脆內軟！份量多，抵食 菠蘿🍍海鮮炒飯今日食海鮮餐，好豐富，菠蘿炒飯勁多海鮮，啲海鮮同炒飯用菠蘿包住調味，非常香甜鮮美🥰特飲我揀咗一個荔枝沙冰，味道清新，香甜解渴，泰斗的特飲唔可以錯過，仲有雞尾酒揀，我覺得一餐入面、飲品都重要🙂我很滿意餐廳都有心思，餐廳內外都靚，可以打卡，入面裝修都幾骨緻，會令人有渡假feel、真是一個令人很享受的晚上。泰斗元朗大樹下東路633號大旗嶺村地舖

元朗大旗嶺這家隱世泰國菜真的讓我驚艷到不行😍 獨棟的白色小屋被綠意包圍 環境超級chill～戶外還有大片草地 週末會舉辦寵物聚會🐶 帶毛孩來放電超適合！ 一走進店裡就被濃濃的泰式風情迷住✨ 木雕、大象擺飾、藤編燈飾...每個角落都好拍！最棒的是能免費換穿泰國傳統服飾 瞬間變身泰國公主👑 必點招牌咖哩海鮮 濃郁椰香配上新鮮蝦蟹🦀 青芒果沙拉酸辣開胃 沙爹串燒肉質juicy又多汁～ 甜點更是驚艷！芒果糯米飯香甜軟糯🥭 千層糕綿密不膩口 配上荔枝冰沙和柚子芒果冰沙 清爽解膩又消暑❄️ 服務生都超級親切 會細心介紹菜色 整個用餐體驗滿分💯 已經列入我的週末必訪清單啦！

今日試咗一間泰國餐廳，點咗幾款菜式，味道真心不錯！首先係冬陰功湯，酸辣得來好開胃，蝦同香料好新鮮，湯底濃而不膩，超正！小食拼盤有炸蝦餅、春卷、帶子同炸肉，每款都炸得香脆，蝦餅彈牙，春卷餡料足，帶子鮮甜，炸肉又夠juicy，點埋泰式辣醬食一流。馬莎文咖喱牛坑腩配薄餅，牛坑腩炆得軟腍入味，咖喱香濃，夾埋薄餅搭起來好夾！泰式炒椰菜苗清爽可口，意想不到泰式炒好好食，菜苗嫩綠。飲品方面，手打菠蘿檸檬綠茶清新解渴，菠蘿同檸檬嘅酸甜同綠茶好平衡，飲完好舒服。甜品芒果沙冰係驚喜，芒果味濃郁，冰涼順滑，甜度啱啱好。整體嚟講，份量夠，服務都好親切，環境好靚打卡一流，係一間值得再嚟嘅泰國餐廳！

屋企人好鍾意食泰國菜，泰斗係朋友推介高質嘅泰菜，所以同屋企人嚟試一試😊室外環境佈置超靚，特別係夜晚加埋啲裝飾燈光，真係好似去咗泰國度假咁，好啱打卡😆餐廳門口有免費泊車，好啱揸車同一家大細過嚟食嘢呀，門口鬍鬚哥哥非常有禮貌，會幫手睇路泊車，態度服務真係好好👍室內環境都好舒服，座位寬敞睇得出佈置有落過心機🤩🔶招牌冬陰功海鮮炒飯：冬陰功海鮮炒飯唔係完全乾身嗰種，炒飯有少少濕潤感食落唔錯，口感不俗，冬陰功味亦都夠重海鮮份量都足夠🔶生菜包豬肉食得出好新鮮，冬陰功味濃烈如果怕辣嘅人需要考慮吓，但食得辣既朋友好值得試👍而且好有心機附帶豬油渣夾埋落生菜度一齊食口感正呀🔶馬莎文咖喱牛坑腩配薄餅牛坑腩配咖喱一向都係非常配搭嘅嘢，呢個咖喱嘅味道唔會太重，啱啱好清清淡淡又配到個牛坑腩加埋個薄餅食落口👍🔶汁燒安格斯牛小排牛小排係今日嘅Number one🤩外面燒得好香脆，中間留咗少少半生熟加埋少少脂肪喺側邊，類似慢煮嘅模式但入口好香濃，有啲類似韓燒牛肉嘅感覺🔶鹽燒牛舌芯今日係牛魔王之夜，牛舌芯我都好推介，完全唔韌，出面仲燒到脆脆地，肉質非常鮮嫩，睇得出廚師嘅功力👍🔶泰國朱古力薄荷沙冰朱古力味濃郁，外觀好靚，飲落

今個週末，我同朋友去咗元朗「泰斗」享受泰式美食，真係好開心！🥳 室外同室內環境都好靚，可以幻想自己去咗泰國咁🇹🇭我哋揀咗午市套餐，是日前菜係泰式鳳爪，酸辣可口。主菜係泰式雞肉炒金邊粉，味道香濃，雞肉嫩滑，金邊粉滑口！😋 我哋追加咗個飛天通菜，清新又爽口，真係唔錯！🍗🌿 是日甜品係椰汁糕，口感滑嫩！🥥 而特飲珍多冰，椰香四溢，飲到嘅條條充滿斑蘭味，清涼消暑，真係一流！❄️講到海鮮，泰式生蝦新鮮得令人驚喜，冰鎮上配埋青色酸辣汁，食落去鮮甜無比！🧊🦐 另外，兩隻燒乳山生蠔，超大隻啖啖肉，配埋蒜粒味道更加出色！🦪🦪 至於兩隻泰式燒老虎蝦，亦都係超大隻啖啖肉，肉質鮮甜，烤得啱啱好，配埋紅色酸辣汁，味道一流！🦐🦐 仲有兩串沙嗲豬串燒，醃製得恰到好處，點埋充滿花生粒嘅沙嗲醬，好好味呀！🥜🍖甜品方面，芒果糯米飯香甜可口，糯米煮得啱啱好暖暖哋，總共有三色，綠色係斑蘭、問店員原來藍色係蝶豆花，真係好特別！搭配甜甜嘅芒果，口感超級滑，點埋椰漿甜而不膩，真係好味到爆！🥭🍚天氣太熱，我哋仲叫咗兩杯沙冰！😆 芒果沙冰味道鮮甜，冰涼爽口！🥭🍧 而菠蘿沙冰就更加清新，真係消暑利器！🍍🍧總括嚟講，「泰斗」嘅美食真係唔可以

元朗佔地好廣嘅泰國菜！！我去過幾次，由於朋友由外國回來，今次專誠帶她去試！！我今次叫咗：「泰式燒大虎蝦」蝦肉燒得啱啱好，蝦肉爽彈鮮甜，燒香撲鼻，蘸上酸辣開胃嘅泰式醬汁，惹味十足，朋友勁讚！「咖喱雞南瓜盤」味道濃郁香甜，南瓜嘅天然甜味同咖喱嘅香辣完美融合，口感綿密，帶微微辛香！「泰式燒豬頸肉」外皮焦香脆口，肉質嫩滑多汁，蘸埋酸辣泰式醬，香濃惹味！「泰斗」環境開揚闊落，裝修充滿泰式風情，空間寬敞舒適，坐得舒服又夠氣派！另外「泰斗」的露天位超寬敞，佈滿泰式綠植、藤椅同燈飾，處處都係打卡位，夜晚仲有氣氛燈，勁chill！另外提一提佢哋嘅飲品好有特色，同埋佢哋嘅服務態度亦都好好，好有禮貌👍👍

（狗狗坐戶外） 亦有得泰服打卡小食拼盤（細）：份量十足！就算係細份都有成16件咁多。裡面有泰式雞卷、魚餅、蝦餅同粉絲皮春卷。魚餅有濃郁嘅香茅味，好獨特蝦餅炸得好酥脆又彈牙，春卷脆卜卜口感一流念泰式雞卷都好特別又香口醬料搭配得宜！一個拼盤就可以試晒幾款經典泰式小食！冬陰功湯：冬陰功是我食泰國菜必點的！湯底酸辣鮮香，椰奶比例剛好，不會太膩。大頭蝦肉質爽彈，湯裡還有草菇、香茅等配料，風味層次豐富。泰式蝦肉炒金邊粉材料豐富，豆乾、蛋絲、芽菜、花生碎、香蔥，鮮蝦好大隻新鮮彈牙（金邊粉味道酸酸甜甜，極開胃口。金邊粉炒得煙靭度啱啱好，而且唔會炒到黐埋一舊舊黃咖喱牛肉配蒜蓉包：咖哩甜甜地唔辣的 牛份量唔少，個量都好多。啲牛肉唔會好靭/太肥。配蒜蓉包或者薄餅一流！芒果沙冰 &菠蘿沙冰呢杯嘢每次都必點食泰國菜一定要飲沙冰一上菜見到大大杯，打卡影相好靚最緊要芒果味道超濃郁，飲落去唔會好甜，口感好似食緊雪糕天氣熱飲這個沙冰一流

「泰斗」碗冬蔭公，飲一啖即刻醒神到拍枱！ 講真，元朗泰菜多到氾濫，但佢哋個「招牌冬蔭公海鮮湯」 真係 「神級」—— 一上枱就聞到爆香嘅香茅、檸檬葉衝鼻，仲有辣椒嘅辛勁，未飲先流口水！湯底係用蝦頭熬到濃到化唔開嘅橙紅色，酸、辣、鮮三招夾擊，一啖落喉：先衝酸爽（青檸汁夠曬霸道），再爆辣勁（後勁仲要慢慢燒上嚟！），最後係蝦膏同椰奶嘅甜香收尾，層次多到頂唔順！海鮮料多到離譜！ 大頭蝦、青口、魷魚、蜆仔 塞爆個碗，蝦仲要開邊爆膏，啖啖肉吸曬湯精華；青口冇沙又肥，咬落鮮甜到彈牙。最抵死係佢哋 「落辣椒唔手軟」，嗜辣嘅叫中辣已經標汗（初學者記得小辣保命），但辣得過癮，一路飲一路「嘶嘶聲」都停唔到口！ 湯撈飯！ 叫碗白飯倒湯落去，吸滿酸辣精華，食到舔碗！ 加個蒜蓉包，脆卜卜點湯食，索汁一流！ 兩個人叫 「細窩」夠曬，料多到夠3人分！ 呢碗冬蔭公唔係「普通貨仔」——夠狠、夠濃、料足，飲完個胃暖笠笠又上癮，「酸辣控」冇試過等於白嚟元朗！

我同朋友去咗元朗嘅泰斗食午市，呢間泰國餐廳位於元朗大旗嶺村地舖，環境好有特色，帶點泰式園林風情，室內有植物點綴，室外仲有露天座位同打卡位，氣氛輕鬆。餐廳提供免費泊車，對於開車嘅朋友真是一個bonus。😋鹽燒盲曹係必叫，賣相好吸引，魚皮燒得金黃微焦，散發陣陣炭燒香。魚肉新鮮嫩滑，無腥味，簡單嘅鹽調味突顯咗盲曹嘅鮮甜。配上旁邊嘅泰式酸辣醬，酸甜辣嘅味道同魚肉好夾，食落好開胃。魚身份量適中，肉質厚實，啱晒兩人share！🐟咖哩海鮮配蒜蓉包，咖喱醬用黃咖喱，帶點微辣同椰奶嘅濃香，唔會太刺激。海鮮有蝦、魷魚同蜆，蝦肉彈牙，魷魚爽口，蜆好鮮甜，全部吸滿咖喱汁，味道好豐富。蒜蓉包烤得外脆內軟，蒜香濃郁，沾上咖喱汁食，口感同味道都好夾，食完好滿足！🦐牛小排係肉食控嘅心頭好，切得厚薄適中，燒得外層微焦，內裏保持嫩滑多汁。醬汁帶點甜同泰式香料嘅風味，滲入牛肉，牛味同醬汁好融合，食落好惹味。旁邊仲有少少烤蔬菜，清爽解膩，份量啱啱好！🥩芒果沙冰，芒果味好濃郁，入口冰涼，甜度調得啱啱好，帶點天然嘅果香。沙冰質地細膩，飲落好似食緊芒果雪糕咁，仲有少少芒果粒點綴，增添口感。炎熱天氣嚟一杯真是無得頂！椰汁沙冰好有泰國

每日返工放工揸車經過大樹下東路，都會被一間裝潢得很有渡假感覺的餐廳吸引到。今日星期六就決定約朋友Happy hour試試佢！餐廳以泰國風情為主調，令人有種放鬆心情的感覺！餐廳設有室內及室外座位，無論室內或室外打咭位多的是，好適合鍾意影相的朋友。而室內有一個小角落放有兩台夾公仔機，好迎合小朋友的口味。- 泰式生蝦¹²⁸生蝦入口冰涼爽滑，極其新鮮！帶著微微的彈牙質感，咬落去鮮甜多汁，毫無腥味。醬汁滲入蝦肉，酸辣的味道瞬間爆發，配上蒜片的微脆與辣椒的刺激，口感層次豐富！- 泰式椰青海鮮焗飯¹⁶⁸店員一上菜已經香氣撲鼻，海鮮焗飯非常足料！有鮮嫩的魷魚、大而不柴的青口，彈牙的大蝦等等。而飯粒帶有淡淡的椰子清香，真的是一口一鮮味！- 原盅椰青大頭蝦冬陰公湯(細) ¹²⁸熱騰騰的冬陰公湯，湯面浮著幾隻肥美的大頭蝦，還有香茅辣椒等等點綴，色澤鮮艷，紅綠相間，賣相已經令人開胃。而椰青盅本身有帶著淡淡的椰香，視覺及味覺都給滿分！而湯底入口順滑，椰青的清甜同冬陰公的酸辣完美融合，飲落好有層次。大頭蝦新鮮彈牙，蝦肉結實，輕輕一咬就爆汁，蝦頭仲充滿濃郁的蝦膏，超滿足！- 鹽燒盲曹²⁰⁸鹽燒盲曹外皮微微焦脆，散發

元朗真係勁多好野食！今日探朋友，佢車左我入呢到食泰菜，估唔到又平又好食，環境仲要唔差👍淨係睇裝潢同個area已經勁有feel，勁大間坐得好舒服😍夏日炎炎叫返平手打菠蘿檸檬變「泰」綠色，成個人即刻醒神晒！我叫既blue butterfly cocktail更有驚喜！好飲到好似cocktail bar咁一啲都無誇張，甜甜地唔會好濃酒味幾balanced沙嗲串燒平時好怕食，就算係地道既好多都會好dry同偏硬身，呢到反而岩我軟淋淋，沙嗲醬就真係食到粒粒花生碎，正呀！😉豬頸肉沙律又係勁誇張，豬頸肉多過沙律，唔講以為我叫左個豬頸肉instead of沙律😂辣辣地好過癮鐵板蠔仔蛋，唔係平時食開個啲蠔仔奄列，全部蛋都有炸過，食落脆卜卜，仲要勁大份！烤雞肉質軟身，外皮燒到脆一脆勁入味，雖然有附上醬汁但我覺得完全夠晒味！

泰斗，一間令人驚喜嘅泰國菜餐廳，從第一啖到最後一啖都充滿泰國風味，好似瞬間去咗曼谷街頭咁。香芒大蝦金磚，酥脆金磚吐司將香甜咖哩汁融合，仲有彈牙龍蝦咁大隻嘅大蝦。店員仲會幫手切開個吐司，貼心。。。！招牌牛船河絕對係必試之選，金邊粉滑溜有彈性，配埋香濃嘅牛小排、肉汁豐富嘅牛丸，同埋酥脆嘅炸豬皮，層次感超豐富，湯底濃厚，每啖都係極致享受。煎蠔仔煎蛋飯帶嚟驚喜，蠔仔鮮甜大粒有汁，蛋香濃郁，配埋熱辣辣白飯，簡單但充滿泰式風味，最重要係跟個辣醬。另外，手打魚餅彈牙有嚼勁，香料同魚肉完美結合，令人一啖接一啖；飛天通菜爽脆可口，調味恰到好處，食完覺得滿足。甜品同飲品方面，手打菠蘿檸檬綠茶同手打香水檸檬綠茶清爽解膩，果香四溢，每啖都令人回味。經典芒果糯米飯芒果蜜味配上熱辣辣糯米飯，完美。更加值得一讚嘅係，餐廳仲有免費泊車，食客可以更加輕鬆享受美食。°°°°°°°°°°°°°°°°°°°°°°°°°°°°°°泰斗📍大樹下東路633號大旗嶺村地舖#MrsLong #hk #hkbloggermama #Longs #mamablogger #香港美食 #餐廳推介 #hkfoodie #親子好去處 #假日好去