泰中意

營業中

休息中

蔥油炭燒豬扒飯 一上枱已經聞到陣陣嘅香茅香氣，豬扒簡直係巨量，兩大塊巨型嘅炭燒豬扒炭火燒烤，表面烤得金黃微焦，油脂豐富。外層仍然保留香脆口感，豬扒中間嫩滑多汁，非常好味。再加上蔥油，加一份咸香味，送飯一流。泰式雞絲濕炒河河粉上鋪滿雞絲，份量多到不得了。雞絲都幾嫩滑，啖啖肉，河粉幼滑，幾喜歡濕炒嘅做法帶多點醬汁，河粉吸收晒個醬汁。仲加上大量蔬菜，非常健康。泰式拼盤將多款經典泰式小吃集於一碟，材料豐富，賣相非常吸引。香葉包雞、蝦餅外脆內裡彈牙、泰式魚餅微辣好味、雞翼、春卷金黃焦脆調味鹹。咁多款香口小食，一定要加一點酸辣醬。餐廳雖然唔算大，裝潢簡約清新，充滿着泰式情懷，原來係泰、中、意三地菜式fusion。非常鍾意呢種家庭式嘅小店，氣氛輕鬆自在，份量十足，價錢合理。