泰中意

餐廳完全隱藏在村屋之中, 如果朋友不向我介紹, 加上以前住大圍才能容易找到餐廳 😆 餐廳在村屋地下, 以白杏色為主, 環境蠻清新。生蝦刺身 $178生蝦刺身每件也不小, 上面有辣椒和蒜粒, 點綴一下便好了, 不用跟刺身一起吃 😗 刺身非常新鮮爽彈, 比平時日本的蝦刺身更爽口 🤩 配上秘制甜酸醬, 泰式風味立刻顯現出來 🤗 有幸店員推介, 這款是今餐最好吃的菜餚。菠蘿雞絲炒飯 $105一般都是菠蘿海鮮, 今次試試點雞絲代替, 首先炒飯上面鋪滿肉鬆 😃 雞絲味道依然不會被覆蓋, 裡面有提子乾, 炒飯能做到粒粒效果。我與朋友已經各吃了1碗, 炒飯好似沒吃過一樣, 懷疑廚師把飯堆到滿滿 🤭泰式炒金邊粉 $95朋友很喜歡金邊粉, 所以特別期待, 可惜我跟朋友都覺得金邊粉有點未如理想 🫠 味道上微酸, 是正常的, 不過粘性稍重, 而且過於乾身。泰式椰子雞湯 $68湯品應該有6碗份多, 多到像灌水般 😅 未喝已經嗅到椰子飄香, 大概迎合香港人口味, 只有微微酸, 裡面有大量雞肉和芫荽蔥, 這也是其中1道我喜歡的菜式 😊馬拉盞炒菜苗 $78菜苗青翠鮮嫩, 但略嫌硬了點, 用馬拉盞炒香, 每條菜苗都充斥馬拉盞的惹味 😌可以說餐廳性價比超高, 菜餚份量驚人, 相信一家大細大約只需要3百多就可以了, 而味道也很不錯。…查看更多

今日同屋企人去到大圍行街， 行街後去左田心村醫肚。 在村內竟然有間高質泰國Fusion 菜式 。 餐廳闊落舒適，都算多人， 好多都係街坊。 好多款式選擇。最後叫了以下食物。 1. 泰式拼盤（$128）這道拼盤非常豐富，包含了蝦餅、素菜春卷、魚餅和單骨雞翼。今日有其中一樣未有貨， 睇黎泰好食，所以售馨，非常適合分享，且配有兩種醬汁，泰式辣醬和蜜糖。 蝦餅：蝦餅外脆內嫩素菜春卷：清新可口魚餅：鮮味也突出雞翼：香脆可口 2. 鮮柚子蝦球沙律（$83）沙律清爽宜人，蝦球鮮嫩，搭配柚子的酸甜味，讓整體口感更加豐富。適合在熱天享用，能夠有效解膩，增添一絲清新。 3. 泰式炒金邊粉（$95）炒金邊粉的味道濃郁，米粉有口感，煙韌。配料新鮮，搭配了大量芽菜和果仁碎和其他配料。讓這道菜色香味俱佳，口感豐富，好食。4. 芒果紫糯米（$68）甜品當然不能錯過泰式經典糯米飯，紫糯米香甜，搭配新鮮的芒果，口感柔軟且帶有濃郁的椰奶香味，為這餐畫上完美句號。…查看更多

泰中意係一間位於大圍田心村254號地舖嘅泰國菜小店。店舖係村屋兩層樓，環境舒適寧靜，適合小組聚會或家庭用餐。主打泰式、中式同西式fusion菜式，按港人口味調製，份量超大碟，價錢親民，服務親切，難怪大受歡迎，全場爆滿。⭐️泰式海南雞反配香茅油反（半隻）油飯加咗香茅清香撲鼻，唔會太油膩，海南雞嫩滑多汁，雞皮爽口有雞味，半隻雞足夠兩個人分，沾埋特製汁，送飯一流，食到停唔到口！⭐️泰式海鮮濕炒河濕炒勁入味，海鮮新鮮彈牙，有鮮蝦、魷魚、芽菜等等非常足料，河粉彈牙煙韌，食落層次豐富。 ⭐️碳燒朱頸肉炭燒香氣四溢，豬頸肉厚切軟嫩多汁，外焦內嫩，肥瘦平衡，泰式醬汁微微辣，呢個係必點，份量都好多，同朋友share 啱晒。 ⭐️芒果紫糯米 芒果新鮮果肉鮮甜，紫糯米軟糯Q彈，淋埋椰汁，泰式經典，解膩一流，$48 超抵食！📍 泰中意 (大圍)大圍田心村254號地舖…查看更多

本身諗住黎二刷燒膳竟然又比我試到新野☺️極厚切！燒牛脷🙀🙀真係堅厚切 同埋食落好軟身輕輕燒一燒都唔會好硬 大推大推🤩最估唔到係泰式餐廳會食到lol燒膳串真係好鬼滑❣️啖啖肉佢個Padthai係濕炒既 甜度比較重兼唔辣 佢啲芽菜條條都咁肥嘟嘟🤣有生味添椰汁冰好椰奶味 抵消串燒嘅油膩度～～今次坐樓上比較寧靜啲 唔洗驚姐姐唔理你 因為佢有鐘仔禁🤣🤣👌🏻呢間舖頭開喺屋村夜晚都full House滿晒，如果大家未食記得早啲嚟排隊啦…查看更多

泰中意這間隱藏於沙田大圓田心村的小店，絕對是街坊的泰式美食寶藏！今日重點推介必食之選——藤油碳燒豬扒配白飯，豬扒份量驚人，厚切大塊，炭火香氣撲鼻，表面微焦內裡肉質軟嫩多汁，搭配秘製醬汁同炒律菜，簡直係大滿足之選！另外，泰式青咖喱豬頸肉香濃惹味，豬頸肉彈牙入味，送飯一流；小食如泰式炸春卷同沙爹串（6串）香口惹味，蘸上特製醬汁更顯風味。甜品必試芒果紫糯米，芒果香甜，糯米軟糯，配上椰汁珍多冰或椰汁冰，為這頓泰國盛宴畫上完美句號。蒜蓉包（2件）烘得香脆，蘸咖喱汁食更是絕配！如此抵食大份嘅泰式美食，你點可以錯過？快啲嚟試下啦！食過嘅朋友，留言分享你最愛邊道菜啦～ 😋…查看更多

呢間餐廳由地鐵站行一陣先到，正正因為咁，反而有種遠離煩囂嘅感覺，附近無咩車聲同人潮，環境幾清靜。等埋朋友收工食晚飯啱啱好黎到仲有張枱，點知坐低無十分鐘，門口就已經開始有人等位，我同朋友都話好彩早左到。我哋叫咗個黃咖喱雞、炭燒豬頸肉同蒜蓉包。所有食物都係熱辣辣上枱，個鑊氣同熱度，一食就知係即叫即整，唔係一早煮定擺喺度翻熱，熱辣辣真係好食。首先講個黃咖喱雞，真係好出色。個咖喱汁好香濃，椰奶同香料味平衡得好好，辣度係溫和而持續嗰種，唔會搶喉，但令人一路食一路想飲多啖汁。用個汁嚟撈飯，真係想食多碗白飯。雞肉份量都多，而且冇骨同埋唔係d雞碎，係一件件幾嫩滑嘅雞髀肉。炭燒豬頸肉燒得啱啱好，邊位有少少焦香，入口好香口，咬落去有嚼勁但唔會韌，好惹味。蒜蓉包亦比想像中大份，有成六件，烘得金黃香脆，蒜蓉同牛油味都好足料，點咖喱汁食簡直係絕配。埋單計返，兩個人食到好飽飽，人均都係二百零蚊。以今時今日嘅物價，呢個價錢仲可以食到即叫即做、份量十足嘅食物，性價比真係無得輸，出面連鎖餐廳絕對食唔到呢種質素。今次體驗幾滿意，已經約定朋友下次再嚟試埋其他餸菜。…查看更多

今日嚟咗一間可能要街坊先知既小店 食泰式Fusion 菜 位於一間村屋嘅地下 !雖然離大圍港鐵站有少少距離 但其實散下步好快到～餐廳入面好乾淨 姐姐勁親切🥰食物好有質素！😍😍重點係坐得好舒服～ 今日揀咗三款食物 全部都好好食！！佢絕對值得比多啲人認識😆碳燒魷魚 $178原條魷魚上😱阿姐話好好食 即刻order🤣好驚喜 尤其個汁好好食😍😍金不換肉碎炒河粉超有鑊氣 雖然無精緻嘅擺盤 但完全係實力派！！泰式炸蝦餅 $118每次食泰菜都必叫彈牙！爽口！熱辣辣上枱符合晒三大標準🍤樣樣嘢好好食 姐姐服務又好唔怪得之就算唔係喺大街都咁多人幫襯🤍絕對會回頭～ 希望多啲人認識有心經營既小店🥹📍 泰中意 (大圍)大圍田心村254號地舖…查看更多

大時大節搵啲咁嘅嘢玩，我以後就一定唔會再幫襯！中秋時節好玩唔玩玩？拉閘？要老人家揗來揗去搵嘢食。仲要周圍餐廳都已經排晒長龍，講乜嘢上半場下半場食八點？冇心開門就唔好講啲咁嘅嘢啦。…查看更多

泰中意餐牌好多fusion 菜，廚師即叫即做，每次出菜都係熱辣辣，令人食慾大增。碳燒豬頸肉碳燒嘅豬頸肉燒得恰到好處，豬頸肉肉質嫩，亦唔會好乾，沾上酸汁更野味開胃。蒜蓉炒雜菜幾款雜菜新鮮爽口，蒜蓉味濃。泰式海南雞湯金邊粉湯底味道清甜唔油，海南雞入口嫩滑，金邊粉配搭炸蒜、芫荽、芽菜，令湯粉又香又爽口。泰式炒金邊粉蝦仁口感Q彈，花生碎脆脆，芽菜清爽，將所有材料跟金邊粉拌勻，口感層次感好豐富，金邊粉夠入味，加入檸檬汁更感清新。蜜糖青檸梳打青檸加蜜糖，甜酸適中，配梳打飲飲落舒爽。椰汁珍多冰清香椰汁唔會太甜，加爽口嘅珍多冰，每次都會叫一杯。…查看更多

🍽️泰中意📍大圍田心村254號地舖好耐冇見呢位朋友，知道佢鍾意食泰國菜，今日特登帶佢嚟呢度食泰菜，因為我覺得呢度真係好好食，夠地道😆～泰式香辣肉碎生菜包 🥬 $88呢個泰式小食真係夠哂惹味！香辣肉碎生菜包啲生菜大又新鮮，包住少辣嘅肉碎，夠晒爽口又開胃👍～馬拉盞炒椰菜苗 $78馬拉盞炒椰菜苗上枱香噴噴，椰菜苗夠脆口，食得健康又唔重油，調味適中👍～蔥油泰式沙嗲串燒 🍢 $75泰式沙嗲串燒啲牛肉同豬肉串鮮嫩多汁，食到本身嘅肉味，沙嗲醬仲有花生粒，好有層次感😀～蔥油炭燒豬扒飯 $95炭燒豬扒飯豬扒份量夠，豬扒質感，嫩滑唔鞋口，食得好滿足😋整體嚟講，呢度菜品款式多樣化，糅合泰、中、意三地美食嘅精髓，我好鍾意食呢度嘅美味fusion 菜，食物即叫即做， 性價比高，兼且職員服務又貼心，值得推薦，一於下次再嚟！…查看更多

位於大圍田心村內的隱世泰國餐廳，第二次光顧，今次叫咗炭燒豬扒飯，泰式炒通菜，招牌菜式生菜包，套餐除咗包一碗湯，另外仲有杯飲品，我哋就叫咗凍檸茶同埋奶茶，食物的份量非常之多，啱晒一眾大胃王！…查看更多

今晚同個friend去搵食, 嚟到大圍田心村呢間食泰國菜嘅店, 位置比較隱世, 但菜式竟然！🐓 首先嚟個泰式海南雞 $198/半隻雞肉真係幾滑, 個香茅油飯好出色, 聞落香食落仲香, 啖啖都有香茅同雞油嘅香味, 好正 👍🏼🥬 泰式香辣肉碎生菜包 $88辣度啱啱好, 未算去到好辣, 肉碎炒得夠香口, 用新鮮生菜包住食, 清爽得嚟又惹味, 好快就清晒！🍤 泰式炒金邊粉 $98一上枱就知鑊氣夠, 粉炒得乾身唔油膩, 甜酸味平衡, 面頭嗰兩隻大蝦都好新鮮彈牙～🍹 飲品叫咗椰汁冰 $32幾濃椰香又唔會太甜, 解辣一流。🍻 依家仲有生啤買二送一, 啱晒飲酒人士！整體嚟講, 食物質素唔錯, 價錢合理, 係大圍區一個幾好嘅泰菜選擇, 會再嚟encore！…查看更多

如果唔係朋友帶路，真係唔知大圍田心村入面收埋咗間泰菜店。位置有啲隱世，唔係行街會撞到嗰種，無人帶路真係未必知點搵，但其實好方便。🍛 青咖喱豬頸肉咖喱汁香濃微辣，唔會太鹹，又夠香。豬頸肉燒得香口，咬落有係乾柴，食極都有，配蒜蓉包啱晒。🍝 香葉肉碎炒河炒得夠火氣，唔太乾油香重，香葉味唔算重，肉碎唔鹹，河粉唔會碎到斷哂。🥬 泰式炒通菜蒜香夠，豆醬香口惹味，通菜爽口，冇水冇鞋，係穩陣發揮。🥖 即焗蒜蓉包出爐即食，外脆內鬆，蒜蓉唔霸道，size仲幾大塊，唔係細細塊嗰種，係法包斜切嗰重。🦐 生蝦刺身原本話賣晒，有啲失望，好彩店員話仲有兩隻即刻要咗。蝦肉爽甜，醬汁酸辣夠味，蝦頭炸到卜卜脆，雖然得兩隻，但都唔失望。🥭 芒果紫糯米芒果好新鮮，唔係浸糖水嗰種罐頭貨，椰汁同糯米做得好，煙韌唔黐牙。開頭可能喺村屋位置，無左嗰種人來人往好吵鬧咁感覺，有啲位做得細心，唔造作，走嘅時候發現同其他食客同路行去搭車，佢地原來唔係街坊黎，係特登黎食🤣。📝泰中意📍地址：大圍田心村254號地舖…查看更多

最近喺大圍搵到間幾得意嘅泰國菜唔係開喺大型商場，而係藏身於田心村嘅寧靜街角泰式海南雞飯 ($138/半隻)佢哋嘅海南雞，賣相幾靚仔雞皮金黃爽滑雞肉食落好嫩滑唔使點豉油已經夠味最畫龍點睛嘅油飯不知不覺就清咗成碗旁邊嘅三色醬，尤其是那個黑豉油，甜度啱啱好，同雞肉係絕配泰式香辣肉碎生菜包 ($88)呢個係驚喜之作肉碎炒鑊氣，香料味突出辣度係慢慢滲出嚟嗰種唔會搶咗肉香用新鮮爽脆嘅生菜包住嚟食，一冷一熱、一脆一軟口感好豐富泰式炒金邊粉 ($98)金邊粉炒得色水均勻味道調校得幾平衡，甜、酸、鹹味交織得幾好面頭鋪咗幾隻大蝦，幾爽口旁邊有少少花生碎同辣椒粉，可以按自己口味撈勻幾細心。味道正宗，係穩陣之選椰汁冰 ($32)食泰國菜點可以少咗杯椰汁冰？佢哋嘅椰汁味好濃郁，又唔會死甜裡面仲有啲椰肉增添口感，冰涼透心見到餐廳有做**生啤買二送一優惠，同朋友嚟吹下水、飲返杯，應該幾chill㗎！「泰中意」冇乜花巧嘢，但食物有質素，味道做得幾細緻，坐得又舒服如果你喺大圍想搵間唔同連鎖店、有heart嘅小店輕輕鬆鬆食餐飯，呢度值得你一試…查看更多

大圍隱世泰國Fusion菜出去做野係大圍收工，突然間想食泰國野即刻搵返之前朋友介紹過大圍呢間隱世小店，泰中意今日咁啱我早收工，所以有位，正呀泰式虎蝦刺身 $178 每隻蝦刺身上配有一片仔蒜片同一片仔辣椒，加上泰式刺身醬，超級惹味，好正，最特別係佢個蝦頭竟然會炸到脆卜卜，可以食埋，平時泰國餐廳叫蝦刺身都冇蝦頭食，呢到有得食，幾特別唔錯唔錯👍🏻泰式海南雞飯配香茅油飯（半隻$138)無骨雞肉配上三種海南雞飯嘅醬料，啖啖肉超正，雞肉好滑唔柴口，油飯有啖淡嘅香茅味，雞份量大到食唔哂打包泰式炒金邊粉 $95個人認為食金邊粉最緊要係加青檸汁，加左真係會錦上添花，金邊粉配上爽口嘅芽菜同埋花生碎蝦粒同豆腐干，大大份好抵食泰式沙嗲串燒（六串）$75食泰國嘢，點少得串燒啊！六串沙嗲串燒，豬牛雞，各兩串，個人認為豬串燒比雞同牛出色蜜糖青檸梳打 $38青檸梳打就飲得多喇，加蜜糖就真係第一次，加蜜糖幾有驚喜，蜜糖比較香甜，罪惡感冇糖漿咁大，鍾意飲青檸梳打嘅朋友可以試吓呢款蜜糖青檸梳打總結黎講，想食泰國嘢都可以黎一試，但係記得一定要book位，因為平日收工都滿座…查看更多