阿叔泰麵 (積信街) (已結業)

今晚早收工同屋企人去新界東搵食,去咗間幾出名嘅泰國餐廳食晚飯,我哋兩個人點咗一個楊叔叔豬手飯,一份豬肉船麵金邊粉同一客甜品,船麵配料有炸豬皮﹑芽菜﹑通菜﹑花生碎,金邊粉配店方自製的四款調味,魚露、辣椒粉、白糖及白醋,四大調味,缺一不可,頓時令湯底一再昇華,進入另一個層次,而楊叔叔豬手飯白飯沾滿豬手汁,送飯一流,而豬手入口回味無窮,甜品係阿咩糕點拼盤,有三款不同的榚點：大菜榚、芋頭榚同椰汁榚,三種口感,三種唔同味覺享受。而唯一美中不足係金邊粉份量太少,話咁快食曬。