影片
更多
2025-02-12
58 瀏覽
難得可以同 #首領 夾到時間一齊收工，我哋嘅「駱駝漆大廈」之旅終於可以成行🥳 由觀塘港鐵站直出，再經過觀塘廣場，好快就到達我哋嘅目的地。嚟得呢頭，梗係要先到三座低層掃貨，再食餐好嘅先返屋企😙 記起「駱駝漆大廈」一座九樓有間 #泰國餐廳「Add Some Thai Restaurant」環境同味道都唔錯，加上我同首領都鍾意泰式風味，呢晚一於再encore🎉入到嚟餐廳嘅大門口，已經感覺到滿滿泰式風情，加上天花上嘅 #天燈 裝飾同色彩繽紛嘅 #小河區，整個感覺好chill 呀♥️ 打開餐牌，食物嘅選擇都唔少，不過呢次我哋就揀咗個二人餐，貪佢有齊前菜、小食、主食、甜品，仲有埋 #泰式特飲，啱晒呢個主意多多又無主見嘅為食妹😉🥗前菜#泰式海蝦青木瓜沙律 - 大大隻 #海蝦，配埋脆口嘅 #青木瓜絲 同 新鮮嘅 #沙律菜 一齊食，口感好清新🌱#海蝦雜錦海鮮冬陰功湯 - 酸酸辣辣嘅湯底，配上豐富嘅材料，湯料除咗有我最愛嘅大蝦同蜆肉，湯裡頭仲有好多菇同香料係裏面，味道非常惹味🤤🍤小食#小食拼盤 - 估唔到二人份都咁豐富，除咗唔少得嘅 #泰式串燒，仲有爽彈嘅 #炸蝦餅 同 燒得微燶嘅 #燒豬頸肉，搽埋啲 #
記起「駱駝漆大廈」一座九樓有間 #泰國餐廳「Add Some Thai Restaurant」環境同味道都唔錯，加上我同首領都鍾意泰式風味，呢晚一於再encore🎉
入到嚟餐廳嘅大門口，已經感覺到滿滿泰式風情，加上天花上嘅 #天燈 裝飾同色彩繽紛嘅 #小河區，整個感覺好chill 呀♥️ 打開餐牌，食物嘅選擇都唔少，不過呢次我哋就揀咗個二人餐，貪佢有齊前菜、小食、主食、甜品，仲有埋 #泰式特飲，啱晒呢個主意多多又無主見嘅為食妹😉
🥗前菜
#泰式海蝦青木瓜沙律 - 大大隻 #海蝦，配埋脆口嘅 #青木瓜絲 同 新鮮嘅 #沙律菜 一齊食，口感好清新🌱
#海蝦雜錦海鮮冬陰功湯 - 酸酸辣辣嘅湯底，配上豐富嘅材料，湯料除咗有我最愛嘅大蝦同蜆肉，湯裡頭仲有好多菇同香料係裏面，味道非常惹味🤤
🍤小食
#小食拼盤 - 估唔到二人份都咁豐富，除咗唔少得嘅 #泰式串燒，仲有爽彈嘅 #炸蝦餅 同 燒得微燶嘅 #燒豬頸肉，搽埋啲 #沙嗲醬 上面，好有風味🤤
🍹泰式特飲
我哋點咗 #椰林風光 同埋 #富士山下，一杯充滿椰子清香，而另一杯就用咗蝶豆花加上奶蓋，好睇之餘都幾好飲㗎🤤
🥬主菜
#酥炸軟殼蟹炒鑊咖喱配蒜蓉包 - 兩大隻炸得酥香嘅 #軟殼蟹 放喺香辣嘅咖喱醬汁上，醬汁香口而味道唔會太辣，配埋薯仔🥔同蒜蓉包🥖一齊食，份開有口感🤤
#馬拉盞椰菜苗 - 香噴噴嘅 #馬拉盞 配上 #椰菜苗 一齊炒簡直係絕配🤤
🥭甜品
#三色芒果糯米飯 - 煙靭嘅三色糯米飯淋上椰子汁，加埋超甜嘅芒果肉一齊食，完美地將泰式風味帶到嚟我哋面前🤤 再配埋充滿椰子果肉嘅椰子雪糕一齊入口，令呢餐味道更加圓滿🤤
裝修過後嘅「Add Some Thai Restaurant」果然大有進步，除咗吸睛嘅裝飾品，師傅嘅手勢更上一層樓♥️ 而最令 #小秘書 encore嘅原因，除咗好嘅食物質素之外，而佢哋員工嘅殷勤服務態度亦值得一讚😊 整個環境都好舒服呀♥️
📍 Add Some Thai Restaurant (觀塘) 開源道62號駱駝漆大廈第一座9樓D室
張貼