泰鑫

營業中

休息中

不愧係泰國領事館推介既泰菜餐廳。驚喜滿滿！叫左一個二人餐，包埋飲品同甜品。椰子鷄湯。超多鷄肉同蘑菇，好足料。鷄肉金邊粉。金邊粉煙靭彈牙。鷄肉都好大塊。整體酸辣開胃。黃咖喱豬肉。豬肉片大大片，椰奶味勁濃 ，唔會好辣，甜甜地。咖喱汁拌飯一流。椰汁馬蹄爽。馬蹄爽好爽脆，清涼解膩。另外叫左個小食拼盤。超抵食，惠顧二人餐+$1就可以食到，有四款小食 (豬肉條,福袋,蝦餅,鷄翼)，最鍾意豬肉條同蝦餅。泰式豬頸肉，份量都幾多。泰式肉碎煎鴨蛋飯，肉碎好多，混合埋咖哩汁食，更加正。而家係餐廳消費滿$400，仲有1次擲骰機會，滿$800有2次機會。如果擲中6個相同數字，可以全單免費！！