Nara Thai Cuisine (新城市廣場一期)

營業中

休息中

喺曼谷被選為「最佳泰國食府」嘅Nara Thai Cusine嚟到香港之後評論一直都好壞參半，lunch hour喺新城市見到有lunch set，仲要唔太貴，就諗住去試下。同友人分別嗌咗「泰式滷水豬手配白飯」同埋 「黃咖哩豬肉配白飯」兩個set，反轉menu見有得優惠加配小食，就口痕痕叫埋「香脆蝦餅」、「黃薑沙嗲串（雞）」同埋「冬蔭公」。個環境都幾好，有少少泰國渡假屋feel，上菜速度尚可。兩個set望落份量十足，基本上同友人都食唔哂，小食份量比想像中多。整體菜色口味偏甜，不過口味就因人而異，我都不作多評論。滷水豬手比較推薦，都幾嫩滑。蝦餅兩大件都算彈牙，冬蔭公雖然揀咗少辣，但飲落都係唔辣😂，雞肉串就普普通通，當小食都可以嘅。整體來說，味道算不過不失，價錢比起晚餐嚟講相宜，不過偏甜嘅口味就真係睇個人取向。