泰 (瓊華中心)

營業中

休息中

伏到要出食評，諗住泰國嘢冇死(學好耐之前食評話齋，今晚食完先睇到之前正常人嘅食評)，點知已經嚟唔切，中大伏，所有餸都硬係覺得依度爭少少，嗰度又爭少少。嗌咗二人餐，但係，冬陰公，泰咸了。生菜包，泰少了。青咖喱，泰杰了。金邊粉，泰硬了，所以換返油飯試下，點知油飯又泰生了。最正常得炒雜菜同串燒，香酥薄餅同芒果糯米飯還好，可能有人會覺得糯米飯都有啲硬。食完成餐飯，好似冇食過嘢咁，覺得完全浪費咗食一餐飯嘅quota。冇機會試佢其他菜，因為唔會再嚟。