影片
更多
2018-07-16
70 瀏覽
肥佬又生日🤣本身想飛轉泰國，但請唔到假，唯有食泰國野補返數因為係慶祝生日既關係專登搵間新淨d好。一落車一行入南角道就見到「小曼谷」冷氣又勁又乾淨就拉左肥佬入去一坐低已經比個椰青波波吸引，再比隔離枱既咖喱香味搞到勁鬼餓。所以一叫，叫咗五個餸。椰青波波超大個，椰青水一定比平時的椰青多。而且非常清甜加上只得椰肉同椰汁，所以雪得好夠凍。 我仲食左半個椰肉肥佬就叫左青檸梳打一般般。因為每餐都要食菜,所以叫咗件馬拉盞炒雜菜。馬拉盞味夠濃，唔油，而且上台個陣出晒煙，食得出鑊氣！冬陰公比我預期好飲，酸味同辣味好balance ,而且有三隻大蝦！雖然唔係大頭蝦，但都啖啖肉好彈牙。而且這已經是細size已足夠四人飲！我地兩個人每人飲左2.5碗都仲有串燒又係非常出色，每一串都係即燒，出晒煙，而且好足料，特別係雞神同雞軟骨。超抵食！燒原隻魷魚，又係超級大碟，視角非常滿足，魷魚雖然好厚肉，但一啲都唔un!而且食到碳燒味道。唔會太乾！兩個人食唔晒！最後真係要推介軟殼蟹咖喱！ 性價比非常高！可以滿足本小姐麵包痴之餘，仲要多多咖喱汁，可以送麵包。雖然無咖喱炒蟹咁香，但價錢平好多而且非常大份!建議三至四個人先至好叫軟殼
因為係慶祝生日既關係專登搵間新淨d好。一落車一行入南角道就見到「小曼谷」冷氣又勁又乾淨就拉左肥佬入去
一坐低已經比個椰青波波吸引，再比隔離枱既咖喱香味搞到勁鬼餓。所以一叫，叫咗五個餸。
椰青波波超大個，椰青水一定比平時的椰青多。而且非常清甜
加上只得椰肉同椰汁，所以雪得好夠凍。 我仲食左半個椰肉肥佬就叫左青檸梳打一般般。
因為每餐都要食菜,所以叫咗件馬拉盞炒雜菜。馬拉盞味夠濃，唔油，而且上台個陣出晒煙，食得出鑊氣！
冬陰公比我預期好飲，酸味同辣味好balance ,而且有三隻大蝦！雖然唔係大頭蝦，但都啖啖肉好彈牙。而且這已經是細size已足夠四人飲！我地兩個人每人飲左2.5碗都仲有
串燒又係非常出色，每一串都係即燒，出晒煙，而且好足料，特別係雞神同雞軟骨。超抵食！
燒原隻魷魚，又係超級大碟，視角非常滿足
，魷魚雖然好厚肉，但一啲都唔un!而且食到碳燒味道。唔會太乾！兩個人食唔晒！
最後真係要推介軟殼蟹咖喱！ 性價比非常高！可以滿足本小姐麵包痴之餘，仲要多多咖喱汁，可以送麵包。雖然無咖喱炒蟹咁香，但價錢平好多而且非常大份!建議三至四個人先至好叫
軟殼蟹炸得非常好，唔乾唔油，非常脆口，配埋個咖哩汁真係汁非常配。因為分開左汁同蟹，所以上左台一陣d蟹仲脆卜卜
見到有兩隻原隻嘅軟殼蟹！最後比我地兩個一邊傾計一邊食晒
最後我麵食咗半個農夫包!
整體黎講比我預期好，最驚訝係香港仲有咁抵食夾大件既泰菜！平時炒菜得幾條都$60-80，個咖哩都咖洗$200！ 其實真係好頂癮🤣🤣🤣係我未飛到去泰國之前都可能會再黎頂頂癮！
張貼
