Boholic

營業中

休息中

同另一半去咗呢間波希米亞風嘅cafe慶祝情人節，好靚好多打卡位，食物同飲品都好高水準，過咗一個好開心嘅情人節。軟殼蟹意粉軟殼蟹好大隻，炸得好脆，又保持到蟹本身嘅膏味。意粉好足料咁落咗好多蛋，所以意粉醬好香，每啖都掛滿咗雞蛋同汁，豐富嘅口感同味道，好滿足！蟶子拼蒜蓉包蟶子好彈牙，一啲都唔梅，再配上香葉煮成嘅醬汁，好香口好開胃。再配上勁脆嘅蒜蓉包，食極都唔膩。水牛城雞翼一上菜都出晒煙香噴噴，見到醬汁完完全全舖滿咗全隻雞翼，但雞皮又保持到本身應有嘅爽脆度，控制得好好。士多啤梨牛油果沙冰首先撲鼻以來嘅係士多啤梨jam, 之後飲落，反而係淡香士多啤梨味，再加新鮮牛油果，balance咗個味道，感覺得好fresh.桂花鮮奶咖啡呢杯嘅桂花味好有驚喜，咖啡師喺面審上桂花碎，已經好香，再飲一啖就有淡香桂花味，成杯都好夾。