L'AMOUR

今日約左閨蜜去蘭桂坊襯熱鬧，跟住就搵間餐廳食下野，黎到呢間西餐廳，氣氛非常有情調，好有西方氣息。服務員都好專業同有禮。我地叫左兩個set dinner，首先係送上兩人餐包，非常鬆軟，重有黑松露牛油搽上麵包食，好香好滑。餐湯方面就選左時日餐湯同法式澳洲活龍蝦湯。今日既時日餐湯係粟米湯。粟米湯清清地都好清新。而龍蝦湯就好香濃，非常有龍蝦🦞味。第二道係藍鰭吞拿魚他他，呢個烤多士好香脆，上面再放新鮮吞拿魚食令味道更加提升。另一道係焦糖法式燉鵝肝，呢個好香既鵝肝味，好滑。上面一層焦糖賣相一流，食起非常有驚喜。第三道主菜係法國傳統鵝肝牛柳，鵝肝味道好香濃，牛柳七成熟，味道都唔錯。另一款主菜係威靈頓牛柳，呢個外面一層酥皮加五成熟牛柳，口感一流，原來五成熟既牛柳係咁好味，下次都識選五成熟。最後一味係季節限定時日甜品，今日係意式蛋糕，都係幾唔錯。另外重點左兩杯cocktail，一杯係Rainbow同咪Sangria，兩杯酒精含量都唔會好高，飲完都唔會頭暈，非常適合配牛柳一齊食。世界級享受。