影片
更多
2021-10-22
1028 瀏覽
灣仔呢間隱藏係車房之中嘅cafe甫開業就成為唔少女孩子們bookmark要去嘅地方，因為淡黃色嘅環境，加上門口嘅佈置，有種法式小館嘅浪漫感覺，打卡一流📷👍🏻👍🏻今次趁住熱潮過咗少少先嚟食，食完lunch可以係門口位置瘋狂影相，之前都見唔少人會特登著條飄逸長裙嚟影相㗎。值得一提係呢度嘅店員都好nice好主動會幫你，不過呢度冇lunch set，全部嘢都係單點，呢個地段嚟講價錢實在太貴啦，試一次就好了😅Latter 全日早餐好豐富嘅all day breakfast，吐司係黑色嘅幾特別，不過唔係烘至脆身個款；炒蛋份量超多，好滑，牛油味好濃郁；至於其他配料都係正常發揮，都唔錯😗香辣虎蝦鮮茄汁扁意粉虎蝦幾大隻厚肉，意粉質感剛好唔會太淋太硬，醬汁味道幾好，香辣惹味。Coconut Espresso呢度嘅招牌飲品，椰青水🥥同一小杯espresso分開上，可以自己倒espresso落去，形成靚靚嘅漸層。飲落味道都幾好，幾清新，仲會飲到啲椰子片。焙茶朱古力慕絲蛋糕外型幾精緻，焙茶味同朱古力味平衡，慕絲幼滑，下面仲有啲脆片增加脆卜卜嘅口感。😛人均消費：$240推介指數（10分為滿分）：7分
Latter 全日早餐
好豐富嘅all day breakfast，吐司係黑色嘅幾特別，不過唔係烘至脆身個款；炒蛋份量超多，好滑，牛油味好濃郁；至於其他配料都係正常發揮，都唔錯😗
香辣虎蝦鮮茄汁扁意粉
虎蝦幾大隻厚肉，意粉質感剛好唔會太淋太硬，醬汁味道幾好，香辣惹味。
Coconut Espresso
呢度嘅招牌飲品，椰青水🥥同一小杯espresso分開上，可以自己倒espresso落去，形成靚靚嘅漸層。飲落味道都幾好，幾清新，仲會飲到啲椰子片。
焙茶朱古力慕絲蛋糕
外型幾精緻，焙茶味同朱古力味平衡，慕絲幼滑，下面仲有啲脆片增加脆卜卜嘅口感。😛
人均消費：$240
推介指數（10分為滿分）：7分
張貼
