Cuisine Culture

營業中

休息中

隱藏喺中環嘅舊式大廈，估唔到有一間法式餐廳，而且有唔少人幫襯，有唔少捧場客，所以就黎試下佢咩質素啦。焗法式道古也起司洋蔥湯新鮮焗起嘅洋蔥湯非常熱，入面仲有塊索滿湯嘅包。湯入面有好多洋蔥，飲落去洋蔥嘅甜味十足，非常足料，而且芝士拉絲充滿鹹香，味道豐富。法式焗蝸牛蝸牛望落幾大粒，食落蝸牛彈牙，個sauce調味得剛好，薯蓉好滑好香牛油味。法式地道鴨腿配鴨油煎薯仔鴨腿好大隻，個皮望落金黃色，食落好香脆，咬落好有鴨油香，鴨腿肉質好軟嫩。薯仔身為配角亦都煎得好香。香蒜牛肝菌意粉整個意粉食落充滿蒜香，食得出加咗好多蒜落去炒，牛肝菌份量都好多，索滿蒜油，有滿滿嘅蒜味，意粉軟硬適中，係我喜歡嘅硬度。酥皮蘋果批配雪糕酥皮焗到好香脆，再加上酸酸甜甜嘅蘋果片，加埋邪惡之最嘅雪糕，為今餐畫上完美句號。