君子餐廳

營業中

休息中

今日去咗位於北角匯嘅呢一間西餐廳。去到嘅時間差唔多6:30左右，正值黃昏時間，窗外見到大大個鹹蛋黃，超級有feel。今次選擇咗佢哋嘅套餐，有齊小食、主菜同飲品。銀魚柳蛋黃醬配法包佢哋每一道菜都絕不馬虎，前菜係用咗銀魚柳製造嘅蛋黃醬配新鮮烤好出嚟嘅法包。醬汁好香鱈魚味，配埋法包嘅脆口，口感非常有層次，而且食到停唔到。法式白酒煮青口其中一個小食我哋揀咗青口，廚師連醬汁都好用心烹調，加上蒜蓉、紅椒等等配料，甜甜得來又帶點酒香味，配埋新鮮香甜嘅青口係一個好好嘅配搭。法式鵝肝焦糖燉蛋配田園沙律作為招牌菜，呢一道菜完全冇令我哋失望。鵝肝融入咗燉蛋入面，有焦糖燉蛋嘅濃郁味道，但係中間又食到淡淡鵝肝味，味道好新奇，但係又出奇地夾。蜆肉扁意粉配蘑菇汁 蜆肉超清甜同新鮮，而且佢嘅忌廉濃郁得來又唔會有肥膩嘅感覺，而且仲有淡淡酒香。焗法國鱸魚伴蜆肉忌廉汁 佢嘅鱸魚份量好多，配埋忌廉汁同埋粒蜆肉，擺碟好精緻。底下仲有薯蓉嘅配菜，食完超滿足。