影片
更多
2023-10-18
864 瀏覽
《麺屋こころ - 沙田》作為拉麵同好會既一份子💪🏻我間唔中都會周圍去搵好食既拉麵同沾麵，不過沾麵就食得多啦，日式撈麵就真係未試過🤔️喺等我朋友收工既時候咁啱比我見到呢間餐廳，佢既麵都係用較粗身既太麵製作😍喜歡食硬麵既我即時心心眼左😋餐廳10月仲有個優惠，食客惠顧兩碗主食就可以 $10.1 換購指定特飲一杯，我見選擇都幾多架💁🏻♀️正宗全料東京撈麵 $109 加購抹茶草莓梳打第一次食一定係食店舖signature既產品，同想像中一樣，撈麵入面係用左較掛汁既太麵製作，食落有口感而且彈牙，醬汁口味嫌濃，加埋生蛋黃、流心蛋、叉燒、紫菜等等食材，味道豐富有層次，食多一兩啖可能會有少少滯，所以店員都有建議我地食到中段可以加入醋去調整味道👍🏻個人覺得落左醋仲好食啲添，酸酸地有點似柚子冷麵🍜而抹茶草莓梳打嘅味道都幾有驚喜，本身有諗過草莓會唔會好藥水味，佢偏向似平時食嘅果jam，同抹茶嘅味道相輔相成，記住攪勻先飲呀，如果唔係會有少少甜，不過梳打水幫助到中和個甜味，加$10的話可以一試💁🏻♀️明太子忌廉撈麵 $99 加購抹茶柚子梳打朋友呢個明太子忌廉撈麵味道更濃郁，除咗明太子嘅鹹香味之外，仲會食到紫蘇葉嘅甜
作為拉麵同好會既一份子💪🏻我間唔中都會周圍去搵好食既拉麵同沾麵，不過沾麵就食得多啦，日式撈麵就真係未試過🤔️喺等我朋友收工既時候咁啱比我見到呢間餐廳，佢既麵都係用較粗身既太麵製作😍喜歡食硬麵既我即時心心眼左😋餐廳10月仲有個優惠，食客惠顧兩碗主食就可以 $10.1 換購指定特飲一杯，我見選擇都幾多架
💁🏻♀️正宗全料東京撈麵 $109 加購抹茶草莓梳打
第一次食一定係食店舖signature既產品，同想像中一樣，撈麵入面係用左較掛汁既太麵製作，食落有口感而且彈牙，醬汁口味嫌濃，加埋生蛋黃、流心蛋、叉燒、紫菜等等食材，味道豐富有層次，食多一兩啖可能會有少少滯，所以店員都有建議我地食到中段可以加入醋去調整味道👍🏻個人覺得落左醋仲好食啲添，酸酸地有點似柚子冷麵🍜而抹茶草莓梳打嘅味道都幾有驚喜，本身有諗過草莓會唔會好藥水味，佢偏向似平時食嘅果jam，同抹茶嘅味道相輔相成，記住攪勻先飲呀，如果唔係會有少少甜，不過梳打水幫助到中和個甜味，加$10的話可以一試
💁🏻♀️明太子忌廉撈麵 $99 加購抹茶柚子梳打
朋友呢個明太子忌廉撈麵味道更濃郁，除咗明太子嘅鹹香味之外，仲會食到紫蘇葉嘅甜味，同樣地有三大片叉燒，但係相對來講呢個面就比較重口味啲，所以店員都另外加配特製醋汁比我地，明太子忌廉撈麵口感較Creamy，有啲似再粗身啲嘅明太子意粉🍝味道其實幾好，但係女仔未必食得晒全份😂不過好彩朋友叫咗個抹茶柚子梳打幫忙中和一下，清爽嘅柚子梳打再加上抹茶同樣係好合拍嘅味道，呢一個飲品都可以用到店舖10月份嘅優惠👍🏻
💁🏻♀️雞皮餃子🥟 $46
雞皮餃子炸得好脆，果皮唔會太油膩同埋好薄，所以食落脆卜卜好香口，入面應該係豬肉餃子餡，點埋芥末醬汁食就最啱不過
💁🏻♀️3.7牛乳沖繩海鹽雪糕 $36
食完正餐點都會想食甜品，我哋兩個人叫咗一個雪糕球share，牛奶味幾出但係食唔到海鹽嘅味道，同埋個雪糕球都幾大個，如果鍾意食牛奶雪糕的話可以一試
張貼
