影片
更多
2025-04-25
0 瀏覽
前嗰排天氣凍凍地就去咗朋友介紹嘅火鍋店「滾爺」。我叫咗個養顏蕃茄湯底，估唔到真材實料到係咁飲個湯底🙈不停要加湯，滾爺係用豬骨湯嚟加湯唔係用清水，呢個位真係要讚下，有誠意👍👍叫咗手包韭菜餃四粒、一份油麥菜、粉絲同埋紅薯粉。份菜同粉絲都算大份，佢係用幼嘅紅薯粉，所以會比較入味同埋易熟 。佢份餃你睇相都會見到係脹卜卜，堅足料 。手打墨魚滑墨魚滑係一份有兩條，每條都可以介到四粒大大粒，彈牙得嚟好鮮墨魚味道。平時出去食米線啲竹笙好鬼細條，呢度嘅竹笙夠厚夠大條，仲要索埋啲蕃茄湯一齊食，好鮮甜！成餐主角就係份安格斯肥牛，薄得來牛肉味又夠濃，就算唔小心煮耐咗都唔會好韌🥰Joyfoodstop 心動值：💓💓💓/5（以上評價純屬個人口味）滾爺火鍋 (上海街)(香港)地址: 香港旺角上海街428號地舖電話: +852 68906890
前嗰排天氣凍凍地就去咗朋友介紹嘅火鍋店「滾爺」。

我叫咗個養顏蕃茄湯底，估唔到真材實料到係咁飲個湯底🙈不停要加湯，滾爺係用豬骨湯嚟加湯唔係用清水，呢個位真係要讚下，有誠意👍👍

叫咗手包韭菜餃四粒、一份油麥菜、粉絲同埋紅薯粉。份菜同粉絲都算大份，佢係用幼嘅紅薯粉，所以會比較入味同埋易熟 。佢份餃你睇相都會見到係脹卜卜，堅足料 。

手打墨魚滑
墨魚滑係一份有兩條，每條都可以介到四粒大大粒，彈牙得嚟好鮮墨魚味道。平時出去食米線啲竹笙好鬼細條，呢度嘅竹笙夠厚夠大條，仲要索埋啲蕃茄湯一齊食，好鮮甜！


成餐主角就係份安格斯肥牛，薄得來牛肉味又夠濃，就算唔小心煮耐咗都唔會好韌🥰

Joyfoodstop 心動值：💓💓💓/5
（以上評價純屬個人口味）
滾爺火鍋 (上海街)(香港)
地址: 香港旺角上海街428號地舖
電話: +852 68906890
張貼
