豆公館

營業中

休息中

香港專做豆品嘅小店買少見少，油麻地呢間「豆公館」真心唔錯😍 鋪頭主打平價創新豆製品，凌晨12點都仲開緊門，$30蚊就有交易。環境光猛乾淨，坐得舒服過傳統豆品鋪👍🏻 .必試兩款蛋餅：開心果味蛋餅，煎到金黃微脆，面頭勁多果碎同朱古力醬，甜鹹過癮。另外肉鬆味蛋餅即煎熱辣，蛋皮煙韌夾爽脆蘿蔔絲，鹹香飽肚。老乾媽炒麵鑊氣好足，麵炒到乾身唔油，辣溫和啱怕辣人。吞拿魚刈包好軟熟，流心蛋撈沙律醬冷熱交融。飲品首推黑芝麻豆漿，芝麻濃香撈勻解膩。最後唔少得豆腐花，有凍熱兩吃，凍薑汁滑溜薑香透心涼，杞子黑糖養料淋甜暖胃。 .人均$80-100食到捧住個肚🤣 蛋餅同豆腐花穩陣，炒麵鑊氣值得encore。環境乾淨過傳統豆品店，凌晨營業方便宵夜，不過蛋餅即製要等10分鐘，趕時間建議外賣自取。